الأكثر مشاهدة

أخر المقالات

- توهان -

الكاتب : abdulaziz karam al-najjar

لما بقعد مع نفسي بلاقي إني عشت حياتي دايمآ للغير ولا عمري عشت لنفسي .. دايمآ كنت بقول ما أنا بفرح لفرحة الناس اللي حوليا .. بفرح لإني باخد ب إيد الناس اللي محتاجاني و دايمآ بصبر نفسي بجملة ، ما هو ده أكيد السبب اللي أنا مخلوق علشانه .. ما هو في ناس كده بيكون الهدف من وجودها مساعدة الناس اللي حوليها و حتى لو مطلبوش منهم كده .. بس أنا إكتشفت إني معرفنيش !! آه أنا مش عارف أنا مين و دايمآ متلخبط ولا بفرح إلا لما بساعد حد .. أصل الفرحة ليا دي أنا معرفهاش !! حتى و أنا بكتب دلوقتي مش عارف أوصفني !! آه دي حقيقة ما أنا أصلآ معشتليش علشان أعرفني .. ممكن أوصف كل الناس ما هي دي موهبتي بس ممكن أوصفني ؟! هو ده اللي متعلمتوش !!
بس إيه فايدة الكلام ؟ ما هي حياة ماشيه و العُمر بيعدي .. بس على الأقل بيعدي فالخير مش في الشر ...

أنا إنسان خُلِقَ للغَيْر ليسَ للنَفْس .. خُلِقَ ليَنْشُر بِيَده الخَيْر ليسَ الشَرْ ....

يمكن و إنت بتقرأ تكون لقيت نفسك إنت المقصود .. ما هي دي الحقيقة في ناس كتير عايشة و بتعيش للغير بس لنفسها متلقيش .. فكر في نفسك شوية و سيب غيرك يعيش لنفسه .. بس ده مش معناه إنك متعملش خير و تساعد إللي محتاجك ! لأ ساعد بس خلي الأولويه ليك مش لغيرك علشان تلاقي نفسك و تعيش ...

.. عبدالعزيز كرم النجار ..

التعليقات