الأكثر مشاهدة

أخر المقالات

قادرون بأختلاف 14

الكاتب : shahd h. rashed


الشخص الاربعتشر هي ياسمين الشاوي-أبتسامه رقيقه للعالم .. مصريه بس مولوده في أستراليا .. بتدرس تصميم و بتشتغل بالتصميم الحر و العمل التطوعي ..
و هي عندها 6 شهور جدتها و مامتها لاحظوا ضعفها بالمقارنه بأطفال في عمرها .. ف عرضوها علي أكتر من دكتور منهم الداكتره اللي قالوا انها تنفع راقصه باليه لأنه مرنه جدا و منهم اللي قال سبوها في الشمس كتير دي محتاجه فيتامين د و منهم اللي قال ان بنتك زي الفل .. و في دكتور أكتشف الحقيقه بس قرر مايقولش الحقيقه و قالهم يروحوا لأستراليا لأجراء فحوصات مهمه و أخبروهم الدكتور في أستراليا بأصابه ياسمين بضمور العضلات الشوكي اللي بيضعف عضلاتها من رقبتها لقدمها .. و في عيد ميلادها الأول قالوا لوالدتها ان ياسمين هتعيش 4 سنين طبعا ربنا قال غيرهم و ياسمين دلوقتي عندها 23 سنه .. و ياسمين عندها 4 سنين صنع لها أول كرسي متحرك و ساعدها كتير .. و هي عندها 10 سنين كان المفروض تعمل عمليه في العمود الفقري متوقف عليها حياه العيله كلها بس بعد السفر لأستراليا الدكتور قال ان في خطر كبير لضعف ياسمين و كمان ان العمليه هتستلزم توقف رئه من الرئتين ف مينفعش تعملها .. بس ياسمين عاشت عادي و حياتها رجعت طبيعيه بس ب15% من سعه الرئه ...
ياسمين أكيد مرت بأيام صعبه و سفر كتير للعلاج و علاج طبيعي مؤلم و مدارس و جامعات رافضه قبولها و حياه مش زي باقي الأطفال .. بس ياسمين عملت حياتها بأيدها و كل ما الابواب تقفل غيرها بيتفتح ...
ام ياسمين معتبره ياسمين عبقريه و موفقتش ابدأ ان ياسمين تدرس من البيت .. ياسمين كانت بتنزل كل يوم للمدرسه .. ياسمين ماكنتش فاهمه يعني ايه طفل اصغر منها بيكتب لها في الامتحان .. و في مره المراقب كان عايز يساعدها او يغششها في الامتحان و هي رفضت بشده لأن الغش ضد مبدأها .. خلصت المدرسه و جيه وقت الجامعه و ياسمين عايزه تدرس فنون تطبيقيه و منفعش في مصر تقريبا غير في الجامعه الالمانيه بس وقتها المسؤول موفقش عشان كان في ماده واحده محتاجه الرسم بالأيد .. ياسمين مستسلمتش و بعتت لجامعات في أستراليا و في جامعه وافقت و ياسمين دلوقتي في أخر سنه في الGraphic Design و بتدرس online ...
أم ياسمين تخيلت ان ياسمين هتحب القراءه .. بس ياسمين بتحب الرسم .. و ياسمين عندها 10 سنين أشتركت في معرض رسم في قاعه الهناجر في الاوبرا .. بس بعدها تعبت و مقدرتش تمسك لا قلم ولا فرشه .. دا موقفهاش عن حب حياتها او حلم حياتها و أتعلمت الPhotoshop و الIllustrator و اتجهت للتصميم online ...
ياسمين متطوعه في صناع الحياه .. عن طريق كامب مع دكتور عمرو خالد و ياسمين قدمت فيه .. و قبل الكامب ياسمين دخلت العنايه المركزه و لما أتكلموا يأكدوا سفرها مامتها ردت و قالت انها هتسافر .. و سبحان الله حالتها اتحسنت و سافرت فعلا معهم الكامب ...
ياسمين كانت متطوعه في Productive Muslim .. لأنهم أعلنوا انهم محتاجين Graphic Designers و أول ما قدمت و بعتتلهم الصفحه بتعتها وافقوا علي طول ...
ياسمين شاركت في TEDx Cairo و علي قد توترها علي قد ما كانت سعيده جدا بالتجربه ...

ياسمين بتقول انها متأكده ان ربنا خالقها لسبب و عايزه قبل ما تمشي تسيب علامه حتي لو أبتسامه .. و بتشجع كل الناس علي أنهم موجودين لسبب و لازم يسيبوا علامه ...
ياسمين الكلمه دي فكرتني بنفسي اوي لأني دايما بقول كدا .. و بصراحه انا واخدها تحدي :) عايزه أشكر مامتك لأنها أكيد تعبت كتير عشان تجيب بنت أسمها ياسمين الشاوي بكم الثقه و التفاؤل دا .. و عايزه أشكرك علي كل تصاميمك و كل كلامك و كل الinterviews بتعتك عشان انتي أمل كبير و أنا سعيده بمعرفتي بيكي جدا و لازم تعملي videos كتير او soundtracks عشان بجد أنتي سبب لنشر الأمل :)

أنا هسيبكم مع شويه Artwork لياسمين :)















Facebook page: Alhassan Foundation for Spinal Cord Injury

Website: www.alhassan-foundation.org

رقم حساب مؤسسه الحسن: ٧٠٥٧٥٠ في البنك العربي الافريقي الدولي - فرع نادي الصيد

التعليقات