الأكثر مشاهدة

أخر المقالات

صفر %

الكاتب : nashwa hussien

كنت كده فى حاله غريبه لا انا فرحانه ولا مغمومه ولا هاديه ولا شعنونه قولت فى عقل بالى اكونش مجنونه لقيت بالى بيرد عليا وبيقولى لا وانتى الصادقه انتى بس مصدومه ..
قولت لحالى مصدومه طب من ايه ؟؟؟!!! ده حتى الحياه بمبيه وورديه بعد ما كانت رماديه اترينى بقى مصدومه فاللى حوليه ..
ناس رايحه وناس جايه ناس غريبه وناس عاديه ناس تبقى من شويه حبيبهم وبعد شويه يقوللك هديك باللى فى رجليا ..
يادى النيله عليا مالهم دول بس بيا ابعدوا عنى شويه ادونى اسباب واقعيه طب انا غلطت فيكم او كنت فى يوم انانيه ؟؟؟
طب بصوا بقى انا راضيه باللى بيجرى فيا مش ضعف منى لا يا عنيا بس نوع من الثقه الالاهيه انا لو ظلمتك فى يوم الدايره هدور عليا ..
عشان كده هعملك باخويه مهما انت عملت فيا مش هردلك الاساءه ديه بس هصبر ده الدنيا دواره عليك وعليا ولو انت مقدرتنيش هيجى اللى يقدرنى ويهتم بيا وسعتها بقى انا هشيله فى عنيا ...
وبفكر يا انسان ان باسم الانسانيه لازم تقدم التنازلات ديه ...
ابعد عن الغرور والانانيه مش كل حاجه نفسى لا لازم افكر فى اللى حوليا شويه متقولش دول عاوزين يغيروا فيا طب مش ممكن تكون تغيرات ايجابيه ..
هو انت شايف نفسك على ايه دول حيالله شويه تراب وعليهم شويه ميه واللى خللهم قيمه الحكمه الالاهيه اللى لازم اقدرها مش احطها تحت رجليا وامشى اتكبر على الخلق ديه لا فوق يا عنيا واعرف انك بكده صفر فى الميه %%%
بقلمى/ نشوى حسين

التعليقات