الأكثر مشاهدة

أخر المقالات

النونو اسمه ايه؟؟

الكاتب : marwa abu aldrda

اول ما الراجل ومراته يعرفوا انها حامل بيبقى الحوار بينهم كلاتى:-
هى:-نفسك فى ايه ياحبيبى؟
هو:-كل اللى يجيبه ربنا كويس المهم انت تقومى بالسلامه .
لحد هنا والدنيا وردى وعال العال.
ومع السؤال التانى تبدا المشكله ......
هى :-هنسمى النونو ايه يا حبيبى؟؟
هو:- لو ولد على اسم بابا طبعا ولو بنت على اسم ماما طبعا .
وتنزل عليها الاجابه كالصاعقه.
وتقوله: قال يعنى عامله نفسها ما سمعتش الكلمتين اللى مالهومش لازمه دول بالنسبه لها ايه رايك لو ولد نسميه... او ..... او...... اسم حلو قوى ولو بنت بقى لازم نسميها اسم من الاسماء العربيه الاصيله زى ..... او......ها يا بيبى.
وهو :- ريحى نفسك يا حبيبتى لو ولد على اسم بابا ولو ببنت على اسم الحاجه طبعا .
وفى هذه اللحظه لا مفر من ان المناقشه اللى كلها بيبى وحبيبى وعمرى هتتقلب لخناقه
هى:- اسم ابوك وامك مش هينفع .
هو:- وايه اعتراضك على اسم الحاج و الحاجه مش عاجبينك فى ايه؟؟؟
هى:- اصلها اسماء قديمه مفيهومش روح العصر وانا عايزه ابنى او بنتى يبقى مواكب عصره واوانه حتى فى الاسم.
وهو وهى يدخلوا فى نقاش وجدال واخد ورد حوالين اسم النونو اللى جاى هنسميه على اسم جده ولا نسميه على روح العصر ؟؟
وتبقى واقعه مش باين لها اى ملامح لو اسم تيته قديم او كان موضه وخلصت خلاص يا عينى يابنتى ده انت هتشوفى ايام ليها العجب لو ابوكى صمم تشيلى اسم تيتيه ياقلبى ودخلتى مدرسه البنات يكونوا فيها من الكائنات اللطيفه الظريفه اللى هيشبعوكى تريقه على اسمك .

التعليقات