الأكثر مشاهدة

أخر المقالات

فى سكة رجوع


بنكتب سلام لكل اللى فات ..
ونرسم تاج لكل الذكريات
ونكتب نهايه حزينه سعيده ..
ونمشى نكمل حياتنا الجديده
ونقفل ورانا الميت الف باب
فى سكة عتاب .....
ونمشى ف طريق له الف سكه ..
ونجرى ندور على أى سكه
نوصل منها لبر النجاه ..
نلاقى قصادنا الف اتجاه
وندخل مكان وتانى مكان ..
وتالت مكان نلاقى اللببان
متقفله فننده بصوت ..
يملى المكان
ونسكت ثوانى ..
نلقانا تانى
بنسمع صراخنا ..
ونسمع صدانا
فنرجع بلهفه ..
ونرجع بشوق
وتاخدنا سهوه ..
وامتى نفوق
ونرجع نقلب فوق الجروح ..
ونكتم فى روحنا صوت البوح
ونرجع نطاطى ونفتح قلوبنا ..
ونندم يوماتى على صوت سكوتنا
فنرجع نقلب فى كل اللى فات
فى سكة سكات .....
ونرجع هناك ..
لنفس المكان
نلاقى البلاك ..
غير المكان
ونرجع ندور ..
على حتى باب
نلاقى المكان ..
كله هباب
وشباك صغير
وعيل صغير
وكام الف ضحكه
وكام الف ذكرى
فى صندوق ذكرياتنا
فى سكة حياتنا .....
وننزف دموع
فى سكة رجوع .....
‫#‏بقلمى_سلمى‬

التعليقات