الأكثر مشاهدة

أخر المقالات

ورقة وقلم

الكاتب : maha ibrahim

علامة يا مارد

هات كدا وانت فى لحظة صفا ورقة وقلم
وحاول تكتب احلى انجازاتك
اصعب قرارتك
اسعد لحظات حياتك

وبعد ما تكتبهم افتكر كم القلق اللى كنت فيه
وكم الراحة بعدها بفترة
هتعرف اد ايه
ان حياتنا من غير حزن وتحديات
فرح والم
سكون وحركة

ملهاش طعم
شعورك ايه وانت بتشوف فيلم قديم كنت بتشوفه مع من ناس من قلبك بتحبها
وانت على جروب لمرحلة التمانيات ولا التسعينات
عايز تعرف الحاجات دى بتمس قلبك ومشاعرك وذكرياتك ولا
اتفرج على اعلانات بيبسى ولا كوكاكولا بتاعة رمضان

كل انسان بتزيد خبرته او بتقل على حسب حجم اللى بيتعرض له من تجارب

وتخيل نفسك بدون مواقف تخليك قوى كنت ممكن تبقى عامل ازاى

افتكر ظروف تعارفك على اقرب الناس ليك

والظروف اللى خلت ناس تبعد وتختفى من حياتك

افتكر اكتر لحظة فشلت فيها
كنت مهزوز ومش واثق فى نفسك
كنت مكتئب

طب حاول تقوم بعدها بأد ايه
ولما قمت كنت عامل ازاى

لمعان عنيك ونظرتك لنفسك مع أول نجاح كان شكله ايه


علامات فى حياتك بتصنعك وتصنع تفكيرك من غير ماتحس
مواقف بتحصل لو ربطت خيوطها هتعرف ان ربنا بيدبر لك أمورك وبيخليك تمر بتجارب فعلا هتغير فيك حاجة
مش بقولك علامات يا مارد
التغيير هو الشىء الوحيد الثابت فى حياتنا
حتى لو انت حسيت انك زى مانت
بس صدقنى
الثقة فى نفسك بتتغير
تقديرك لقيمة الاشياء بتتغير
عمرنا العقلى بيتغير
سواء بقى بالسلب او الايجاب

الورقة والقلم
مرحلة لازم تبقى فى حياتك
مش عشان تعيد حساباتك
لكن عشان تعرف حاجات كتير ممكن مش بتعرف تشوفها الا لما تبقى ادامك

كانك بتذاكر ليلة امتحان
او كانك بتشوف فيلم لحياتك

ملحوظة لو مش هتعرف تكتب
ارسم
سجل بصوتك
اعزف
اعمل اللى يطلع اللى جواك


ورقة وقلم

التعليقات