الأكثر مشاهدة

أخر المقالات

مثقفين وسط البلد..و متلازمة العمق البعدي الثنائي المصدر !

الكاتب : جمال النشار

أبتكر احدهم هذا المصطلح ذات مرة..أكيد كان قصده يسخر من حد بيتظاهر بالثقافة أو الفلسفة او بيفكر زيادة ...وعامة احب اوضح غن كلمة "عميق"..هي مستنسخ مشوه من الوصف الغربي للثقافة والتحرر الفكر ..deep ..هو المصطلح الذي يستعمله الغربيون - راجع أفلام النيرد كوميدي - للاشارة لشخص له رؤية ورأي وثقافة ...ولما كانت منظقة وسط البلد في القاهرة من ضواحي عابدين حتي باب اللوق و مربع البورصة المصرية ..هي الشبكة اللزجة التي جذبت المثقفين والفنانين - المغموين طبعا - منذ منتصف الخمسينسات حتي يومنا هذا ..ولما ازداد التواجد في آخر عشرين سنة ربما قبيل ثورة يناير بقليل..كانت مقاهي البورصة وباب اللوق تعج بشرائح مختلفة ومتباينة من الشباب المصري المختلف عن أقرانه..او اللي بيحاول .!
ولا انكر انني كنت ولازلت من عشاق وسط البلد وروادها..ولكنني مؤخرا عزفت عن الصرمحة هناك - أيام ماكنا بنستي خيري شلبي الله يرحمه في صالون ثقافي ولا رواية بهاء طاهر ولا فيلم خالد يوسف قبل مايسف في العشوائيات وايام ماكنا بنتكلم براحتنا وقاصدين نسمع مخبرين امن الدولة ان مبارك طاغية -..ولذلك عدة اسباب أهمها ان هناك فئة جديدة من الشباب أحتل الحياة هناك..النوع الغريب علي وسط القاهرة..الشباب مابين 18 ل 25..- لن أدخل في حكمي علي الآخرين من أشكالهم وملابسهم الآن - ..ولكن هناك شئ ما خظأ..! العيال دي بتاكل سندوتشات "اعتراض وشجب "!..مش عاجبه ولا هيعحبه حاجة ..معظمهم جدبد العهد بالقرءة ..او بالمعترك السياسي - اللي قلب القمة قاع - ..كلهم بيفتكرو المخدرات والبيرة والكتب والمدونات تمير أو اختلاف..أو مؤخرا "عمق"..محور التفكير طبعا لازم يكون الجنس والدين والسياسة ..لزوم طبق الكشري العميق اللي واقعين فيه ..تيجي تتكلم مع منهم في موضوع..تلاقي 70 % بيحاول يناقشك في رواية تجارية ولا فيلم مهرجانات ..ولا لامؤخذة سيرة بنت مش عارف هي - شمال ولا متحررة ولا أيه ظروفها - !..ومنهم الموهوب اللي شايل له آله موسيقية ككائن "وسط بلدي" سواح ويوما ما سيكون مارسيل خليفة الجديد..معظم الفئات دي بتصطدم بسن بوز الواقع جامد وبتتعور ..مع اول أختبار مسؤولية ولا شغلانة ولا احتياج للمال ...لانه فاكر انه مثقف مكتحرر "عميق"..مش محتاج يشتغل في المنظومة المتخلفة دي ..بس تلاقية متناقض جدا علشان محتاج شغلانة "رأس مالي" في شركة مالتي ناشيونال !..وطبعا طبعا منغفلش طبقة الحكاكين ثقافة ..اللي بيسمعو ومنير وبيقر روايات أحمد مراد وبيشوفو أفلام أجنبي تخاطيف وبيروحو الحسين كل فترة ..وبيصاحبو من الجامعة وبيتكاثرو في صفحات "الجرب الثقافي" زي المهرطقون واللامنتمون و نوستالجيا ..دول غالبا بيعتبرو المغامرة دي شقاوة ..وبعد سن الخمسة وعشرين بتلاقيهم متلطعين في الكول سنترز أو سيلز في محلات سفاحين المحمول أو حيتان الأتصالات ..مش بسخر منهم ..بس محتاج أقول للناس ..اعرفو طريقكم..مفيش وصفة ولا كتالوج..والقعدة في وسط البلد وسماع الموسيقي الاندرجراوند والصوفية وشرب القهوة المرة مع فيروز مش من صفات الشخصيات المفكرة المحترمة..ولا كمان الشتيمة والعنف والهراء السياسي وشغب الألتراس هو اللي هيخليك مناضل سياسي..مفيش وصفة للشخصية المحترمة اللي عندها فكر وهدف ومبدأ...ممكن تعمل اللي انت عايزه وبس..اللي عاجبه إنتاجك الفكري أهلا وسهلا...اللي مش عاجبه يعمل هو ويأثر في الناس...وأخيرا ..احب أقول ان انا كمان كلامي مش كتالوج ومش بقصد اعيب في حد...بس بحب ألفت نظر الناس ..ان متلازمة العمق مش من مردفات المثقف المفكر ..وكمن علشان الموضوع بقي أوفر أوي والنهاردة اللي بيفكر ويتكلم ويقول ..بقي بيتشتم ويتقال له يا "عميق"...الحقيقة ان مفيش معايير للعمق...ولا انت كمان من حقك تسخر من حد بيفكر..وانت تبقي رد فعل تفكيره حتي لو بالنسبة لك الفكر مضحك فشخ!

التعليقات