الأكثر مشاهدة

أخر المقالات

ذكر المصري ..ذلك الكائن العجيب..أوي

الكاتب : جمال النشار


يعني التناقض المطلق..يعني المخدوع في نفسه..
هاتلي راجل واحد في اي دولة عايز يتجوز درة مصونة..بس يصاحب ويشقط بنت متحررة معندهاش حواجز...هاتلي راجل في اي دولة يصقف وينبهر بالثقافة الغربية "المنحلة"...ويتنح ويتمحك في كل ما هو "غربي" ويكتب فرانكو علي السوشيال ميديا علشان العربي "شكله وحش"..بس ييجي علي بنت مصرية فرحانة بجسمها ولابسة ملفت حبتين وتلاقيه بيميل علي اللي جنبه ويقول له "الشمال اتجاه اجباري"..أو "ياما نفسي فيك يابلح بس النخل عالي "..هاتلي واحد بس في اي بلد يصلي العيد وهو نص سكران ولا نص مسطول ...هاتلي واحد فاهم انه فاهم ..وهو أغبي من البحار الغبي بتاع فلاش ..هاتلي واحد يفضل الديكتاتورية العسكرية الباطشة لمجرد انه خاف من فصيل سياسي فاسد نواياه خاينه سيطر علي البلد شوية ومقدرش عليه..مع انه هو اللي نزل شاله بنفسه لما سيبو عليه شوية عيال بتقول التمرد التمرد..وكأنه فجأه اعاد اكتشاف معني التمرد ! – آه علي فكره الاخوان مش فصيل ديني نهائيا والدين والسياسة زي زنا المحارم كدا مش بس محرم..لأ هو كمان ضمائريا هو خطأ ولا يجوز ويتج عنه اجنه مشوهة..- ..اللي بيقول دايما "احنا شعب مينفعش معاه غير الكرباج" !! المصري اللي بيسقط ضعف شخصيته وعدم تأثيره في التانيين بأنه يقهر بنت ويسحقها ويذلها و "ان كان عاجبها ..انا الراجل وهو الراجل كدة "..والأوسخ انها ترضخ علشان "تمشي حالها" علي رأي ماما !..هاتلي واحد بس في الدنيا عايز يكسب الدنيا والآخره ..فبيغض بصره ومبيعملش موبقات ..فيقوم ياخد تدينه "الشخصي" اسلوب حياه ويفتكر نفسه هادي الهدي وحامل مشعل الرسالة المقدسة ويبتدي يحجب في اخواته البنات ويلبس امه الخمار او النقاب !..والتاني اللي لسة شاب صغير طالع في موضة جربانة ولازق فيها ولما البنت تعمل زيه يهاجمها بدون نقاش...المصري اللي موافق الف في المية ان التحرش حاجة زبالة ..وممكن يشوفه التحرش ..يسكت " ياعم انا مالي مايمكن شمال وبتتبلي عليه"...!..يعني الحيوان الناطق اللامس.. اللي عمل من البنت المصرية هذا الكائن المشوه اللي لابس محزق وكل تفاصيل جسمها بتبان.. ومتحجبة !..أو متحرره عالنت بس في الشارع و الكليه والشغل قديسة ! يعني الهيجان جنسيا مدي حياته بس بيخاف يتخلص من شهوته علشان حرام بس مش بيسهل الجواز علي الشباب كأب او كمسئول وبيتمسك بالفرائض المجتمعة القميئة!..يعني أكتر كائن حي علي وجه الأرض "بيتنح" بسخافة ولزوجة وبدون اهتمام في اي حاجة ملفته ..يعني 60 في المية من شباب المصريين طبقة فقيرة وتحت فقيرة ..فمش فارق معاه..كأنه بيفشخ المجتمع وينتقم منه بهمجيته ولا بجرأته ولا بلامبالاته ولا بتحقيره من التانيين ايا كانو – راجع صور اللي بتطلع ع السوشيال ميديا اول يوم العيد الصبح لسواقين التكاتك وفصيل عبده موتة ومهرجانات الكيميا والحشيش -..والحق للحق..في كتير مختلفين ونماذج كويسة ..وفارق معاهم التحضر "الأخلاقي" قبل المجتمعي..بس طبعا كالعادة احنا عارفين نسبتهم وتواجدهم ...يعني المصري اللي نص الأغنيا منهم حرامية ..بدون تجنّي !..والنص التاني نصاب أو وارث.. يعني اللي بيتعامل مع الآخرين دايما انهم اقل منه في قرار نفسه ..وعمره نا بيعترف انه فاشل علشان يبتدي علي نضيف !..يعني السطحية المطلقة ..يعني ركاب الجمال ساكنو الصحاري بجد بقي زي مابيقول عليه الغربي الجاهل ..فيقوم شاتمه ومكفره مش يحاول يثبت له العكس ..!
يعني الغلبان الحيران التعبان ..اللي ملوش ذنب في كل اللي فات ده ..غير انه مش عارف يخرج لنور التحضر ..المكتوم جوه ازازة من ايام مبتدت كل شعوب الدنيا تدخل تحتل وطنه وترتع فيه من أيام الفتح العربي لحد الأنجليز..وهو ساكت ..خاضع راضي ..مش عايز يبقي في مصاف الأمم المحترمة ..او عايز بس مش بيحب يتعب..او بيتعب وبيتسرق شقاه...او ييجي واحد منهم زيي كدة ويوضح لهم عيوبهم..يروحو مهاجمينه وشاتمينه ..

التعليقات