الأكثر مشاهدة

أخر المقالات

اللعنه

الكاتب : رجائى رمضان

حكى عن اسطوره قديمه عن رجل يحمل لعنه بقلبه....تلك اللعنه تصيب من يحب ..
.فلا يستطيع الخروج من فلكه مهما حدث ...ويصبح
اسير له ....حتى صادف يوما من كسرت لعنته ..
..واذاقته من مر كاسه... فكتب يقول

انى قد اصيبت بلعنتى

خلتينى ادور فى فلكك
واهيم فى محبتك

كل ما اكتب حروف
متبعتره الاقى اسمك
هو صحيح......؟
اللعنه
كانت بتعتى ولا بتعتك ؟
هو انتى فى الاصل ايه ؟
يعنى ملاك ولا انسان ولا ايه
وليه كل ما نبعد بنقرب ليه

كل ما انوى السفر ...حضنك بيرجعنى ليه ؟
الاقينى ماسك بطن ايدك ابوسها
وجبينك امسحه برقه .. وعنيكى احرسها
وكل ما عينى تيجى فى عنيكى
اشوف دموعى
تسالى ليه سبتنى
وايه سبب رجوعى
اقولك
لعنتى اتقلبت عليه
كل ما احاول اهرب
حنيتك تنده عليه
كل ما انوى الرحيل الاقى نفسى
على عتبه رجوع
ارجع امسك ايدك
وامسح الدموع
واقول بصوت مسموع
انا هنا ليكى
وصدرى ليكى قلوع
ابحرى براحتك
متخفيش عارفين طريق الرجوع

التعليقات