الأكثر مشاهدة

أخر المقالات

هو ايه الارهاب اصلاً

الكاتب : محمود عدلى

بالنسبة للناس اللى عاملة تقول :
اللى حصل فى شارل ابيدو ارهاب و الاسلام دين يرفض هذا .

طبعا الناس اللى نازلة رغى و صدعونا بالموضوع ده بيقعوا فى مغالطة منطقية و طبعا لو هما عندهم منطق اصلا مش هيرددوا الكلام ده خالص لكن للاسف مفيش منطق ...
المغالطة اللى البغبغانات دى بترددها مغالطة التكرار ان الكلام يتكرر ادامك و فجاة كده تلاقيك بتردد معلش اصل الجهل بيعمل اكتر من كده طيب امال المفروض اعمل ايه ؟!!
أسأل نفسى سؤال الاول: هو حصل ايه ؟؟؟
جريدة قذرة بتسبب كل الاديان "خلى بالك من اديان دى " اعادت نشر الرسوم المسيئة للنبى صل الله عليه وسلم فجماعة متطرفين دخلوا الجريدة و قتلوا كل من فيها ... طبعا ده اللى انت عرفته و اللى وصلك ..
طيب السؤال التانى :
من الللى قال ان المتطرفين دول مسلمين مش انا قلتلك خلى بالك من اديان دى مش ممكن يكونوا من اى ملة تانية من اللى بيسبوهم دول و استغلوا الموقف انهم يعملوا كده و التوقيت ده علشان يلزقوها فى المسلمين ... ممكن جداً .
مش ممكن بيكون الغرب و خصوصا اليهود لاحظ انتشار الاسلام فقال نعمل الحركة دى علشان نحد من الانتشار ده .... ممكن .
مش ممكن يكون اليهود لاحظوا ان العالم ملاحظ جرايمهم و تموليهم للنظم الارهابية فقالوا نخزى العين عنا شوية "بص العصفورة ".....ممكن جدا

الممكن دى مش بتخلص أصلا علشان كده متتعصبش اوى وانت بتقول ارهاب خلى بالك الله يرضى عليك .

أستنى لسه اوعى تفكر ان فى حاجة اسمها حيادية او مهنية فى الاعلام اصلا ,هو لو حيادى او مهنى مش هيدولوا فرصة انه يطلع و بدليل ان انت مش بتسمع وجهة نظر الاخر خالص وحتى لو بتسمع بتكون تمثيلية كده وكده يعنى زى ما حصل مع ممثل 6 ابريل بس انت بتنسى بسرعة .

طبعا انت اتلخبطت استنى عليا ايوة انت ياللى بتقول انى بأيد الارهاب ..
محمود هل تؤيد الارهاب ؟!!!!
هو ايه الارهاب اصلا ً؟؟!!
الارهاب فى المعجم االانجليزى بتاعهم مش بتاعنا هو :
الاستخدام الممنهج كوسيلة للاكراه ينجم عنه اعمال عنف رهيبة و مدمرة من بعض المجموعات لترويع السكان لاستجابة الحكومات لمطالبهم ...

لو طبقت الكلام ده بقى على نيلسون مانديلا و شافيز و كاسترو و جيفارا اللى انت معلق صورته فى اوضتك هتلاقيهم ارهابيين, طبعا اتفاجئت
بس عارف ليه هما مش معروفين على انهم ارهابين علشان الاعلام عايز كده و هما عارفين انك ببغان هتردد وراهم عادى .
طب ايه الصح ؟!!
مينفعش اقولك الصح المطلق لكن من وجهة نظرى انا المتواضعة لازم الحكومة الفرنسية تنزل قرار بمعاقبة ازدراء الاديان و تقفل الباب خالص مش دول دعاه حرية ملكش انت دعوة يعبد بقرة عجل متتريقش على البقرة او العجل و لو عايز تناقش و تناظر ناظر بادب لكنهم خايفين من الفضيحة الله يرحمك يا أحمد ديدات .

و فى نفس الوقت مينفعش حد يقوم يقتل ناس عزل كده لان لو كل واحد اخد حقه بدراعه بقت فوضى و خلاص و بقنا زى الحيوانات فى الغابة ...

فأنت متغظهوش و كل شوية تطلع له لسانك و تيجى تقول هو اللى بدأ , متنساش ان لكل فعل رد فعل برضوا الفيزياء بتقول كده .

لسه الراجل الطيب صديق ليا كان بيقول :
إن الله يزع بالسلطان ما لا يزع بالقرآن!
~~~~~~~~~~~~~~~~~~~~~~~~~~~~~~
أمير المؤمنين ذو النورين عثمان بن عفان.

فعلا كلام فى وقته لو كانت الحكومات قامت بمعاقبة من يزدرى الاديان و فتحت باب الحوارو المناقشة بادب و احترام عملت كانت منعت حاجات كتير لكن يبدو ان فى قصد فى الموضوع :
يا ترى من وجهة نظرك تفتكر ليه ؟!!!

التعليقات