الأكثر مشاهدة

أخر المقالات

فارس

الكاتب : بولا وجيه

فارس و حصانه يشهد
علي بطولاته و جولاته
و في سعيه مين يقدر
يوصل ليه في جهاده

من صغره و حب الهه
و اتمرمغ كتير فى خيره
و لما خيروه بينه و بين المال
قالك مش عاوز غيره

قالوله تموت ...
و شرب من ايدهم السم
لقيوه ثابت ...
مهما يسفكوا منه دم

اصل ازاي اللي يسكن ..
الهه في قلبه و جواه
بسهولة الشيطان يغريه
و بسهولة يروح معاه !!

لو كان العمر ...
اتكرر و اتعاد من تاني ...
كان بردو يموت
ويقول من أجل اللي فداني ...

اقدم عمرى و افرط فيه
و بالساهل ...
اصل لو فكرت فيها
هلقي حبيبي يستاهل

ياسلام عليك
يا جوارجيوس
يا شهيد الرب
مخلصنا ايسوس

بسهولة بعت عمرك
لاجل اللي متوصوفوش حروف ..
واجهت بكل شجاعة
و عمر ما سكن قلبك خوف ...

ده مهما كان يزيد عليك الالم
في بعض الأوقات
كنت بتعرف أن اللي جاي
هيعوض كل اللي فات

صليلي نتقابل عند ربنا
و اخد جنبك مكان ...
و لحد مانتقابل يا بطل
صليلي عند الديان :))

التعليقات