الأكثر مشاهدة

أخر المقالات

فضفضه

الكاتب : nashwa hussien

عارف انت احساس ان كل حاجه فى حياتك فجاه بتتلغبط وتبقى عكس ما انت عاوز
طب عارف احساس الخنقه اللى بيجيلك ساعتها
وفجاه تحس ان الدنيا ضاقت بيك وان حالك صعب اووووى
وتضعف فى اوقات كتير وتقول اشمعنى انا اللى الدنيا معندانى.
طيب وقفت كده للحظه مع نفسك وفكرت ايه هى نقايه الخنقه دى
طبيعى هتدخل فى حاله اكتئاب وحزن جامد
بس عارف انت لو فكرت براحه ممكن تعمل ايه هترتاح كتير
اولا ..ارجع لربنا واعرف انه حطك فى الحاله دى عشان تلجاله وهو فعلا محتاجه تناديه وتتدعيه
ثانيا ..فكر فى اى حاجه بتحبها ممكن تخرجك من الحاله دى مممكن لو بتحب تكتب تكتب او لو بتحب تقرا روايه تخرجك بره المود ده ممكن كمان تكلم صديق وفى وتحس معاه انك بتكلم نفسك او تعمل اى نشاط بتحبه ومتفكرش فى اللى مزعلك فرغ الشحنه اللى جواك
ثالثا .. اهم حاجه لازم تفكر فيها هى موقف الناس اللى حوليك مين وقف جنبك وساندك ومين اللى اتخلى عنك بكل سهوله
مين اللى قدرت فعلا تحس انه فرق معاك ومين مجرد عدد فى حياتك وملوش اى قيمه لازم تفكر فعلا ومتبنيش حياتك على غلط فكر فى الاشخاص ورتب مكانتهم فى حياتك الموضوع ده هيريحك اوى
واهم حاجه لازم تعرفها ان كل عسر بيمر بيك حوليه يسرين يعنى قبل العسر يسر وبعده كمان هى فتره مؤقته وربنا مخلقناش عشان يعذبنا الحكايه كلها محتاجه شويه اصبر
اصبر عشان كل حاجه حلوه بتيجى بعد صبر
بقلمى /نشوى حسين

التعليقات