الأكثر مشاهدة

أخر المقالات

الجيش ماما وبابا وانور وجدى كمان ؟!

الكاتب : خالد حمزة


خلال التلات سنين اللى فاتت. هات لى مشكلة او معضلة مرت بيها مصر. الا وتدخل الجيش ورجاله. للتصدى ليها وحلها. خد عندك مثلا من الاول خالص: لولا الجيش ما كانتش الثورة الام فى 25 يناير نجحت. وكان زمنا بنعافر مع مبارك. ورجال مبارك واللى حواليهم.
وخد عندك كمان الحرب ضد الارهاب فى سينا. وازاى الجيش رمى فيها كل تقله وبقاله مدة مش هينة. بيحارب الجماعات الإرهابية التكفيرية الجهادية. اللى بتقف ورا بعضها دول واجهزة مخابرات.
وخد عندك كل مصيبة مرت على مصر من: هد م كنايس . وانهيار كبارى. وحوادث مزلقانات. وتطوير طرق فى اماكن زى الصف والمرج وغيرها. فى طول مصر وعرضها . كل ده اصلحه الجيش ورجاله فى وقت قياسى وعالمى. ومش كده وبس خد عندك كمان وكمان: المساعدات اللى وزعها الجيش على القرى والاماكن الاكثر فقرا فى كل البلد. فى رمضان وغير رمضان. وخد عملية بناء بعض المساكن اللى بيقوم بيها الجيش ورجالته وبالذات لمحدودى الدخل والفقراء. وعمليات تامين الاستفتاءات والانتخابات من ايام المجلس العسكرى الاول. ومرورا بمرسى وهلما جرا.
وكمان هبة الناس فى يوم .30 واللى ماكانتش حتنجح. وتزيح مرسى ودولته الا بالجيش. وحتى اكتشاف دواء جديد للايدز. والالتهاب الكبدى الوبائى. جه من الجيش. حتى الاحتفالات القومية الكبيرة الفنية. قامت بالاشراف عليها ادارة الشئون المعنوية بالجيش. وووو.. للصبح ممكن نقول اللى عمله الجيش . و دى هى الحكاية. و ده هو المهم .
ولكن الاهم هنا يا سادة ان مصر فى الفترة الجاية محتاجة لرئيس قوى. ومجلس وزرا قوى. وبرلمان معبر عن الناس. وقضاء شامخ مستقل. واعلام مستقل. بعيدا عن التسجيلات والتسريبات. وشرطة قوية. وجيش قوى.. يحمى حدودنا وامننا القومى. مصرفى حاجة لمؤسسات بجد.وناس بتشتغل. وتقوم بواجبها. دون انتظار لشكر او امتنان. ولا يصح ان نعاملها. على انها ست ولامؤاخذة ما شية على حل شعرها. ومحتاجة الراجل اللى يشكمها. ويدبحلها القطة علشان.. تتلم

التعليقات