الأكثر مشاهدة

أخر المقالات

عفريت العلبة عبدة مشتاق

الكاتب : ahmed taher

شخصية تتميز بتواضع الامكانيات و حب الظهور و التصدر

كل مؤهلاتة انه متكل علي فلان او يقرب لعلان او مرمطون ترتان

رمي البلا عنده هواية والغباء منه طافح

هو شخصية فاقدة للامان و السلام النفسي

للاسف متلقح في اي مكان لغاية ميعشش فية و يبيض

واطي واطي ويرضي بالذل و المهانة بس من الاخر ان تملك بغي

الغريب انه مرمطوان سواء صغير او كبير ومهما علي بية المنصب لازم يدور علي حد يمرمطة حتي و لو كان اصغر منه

والاغرب انه ديما بيوصل لاعلي المناصب التي لا يستحقها

بس الثمن هو اهانتة بيفكرك بميمون القرد موزة يعمل شقلباظ فول سوداني يعمل عجين الفلاحة

خش كدة اي مكتب حد مهم سواء حكومة او قطاع خاص هتعرفة من اول 30 ثانية يفضل خايف منك لغاية ما يعرف انك مش هتئذية سواء عن عدم قدرة او تورع و بعديها يظهر وشة القبيح و اجارك الله من كبره

ميتذكرش قدامة اسم الا لازم يدعي انه يعرفة معرفة وثيقة و يقعد يحللك في شخصيتة و صفاته رغم انه ممكن ميكنش شافه ولا مره في حياتة

شغلته تعطيل المراكب السيارة بافكارة الكوكبية اللي ملهاش تلاتين لازمة

معندوش خبرة الا في الفتي و اللت و العجن من منطلق انا اهو

لو اجتماع و مالوش فية .. لازم يكون اول المتواجدين و اخر المنصرفين ولو اتقاله بالزوق دة اجتماع يخص شئون خاصة يعرض قفاه ويلف ويرجع وشوية تلاقية راجع زي القطط بيشمشم

شوفت منه كتير اوي بدايتة و نهايتة السودة

المصيبة انه في الاخر لما بيقع و تطوله العقوبة بيقول معملتش حاجة وانا مظلوم

و المصيبة الاكبر انه يصعب عليك

ربنا يكفينا شرهم

التعليقات