الأكثر مشاهدة

أخر المقالات

الدنيا برد .. يا عم خليل

*** من كلماتي على لحن الراحل أحمد منيب "الدنيا برد" هدية للصبيان والبنات اللي بيحبوا يساعدوا الناس وقت الأزمات:

الدنيا برد الدنيا برد
وعم خليل تعب م البرد
والبرد عارف عم خليل
تملى يجيله ف نص الليل

سوسو قالت لاصحابها تعالوا
نشوف فى بيوتنا هدوم بطاطين
اللى بيعمل خير يبقالوا
ليه بنسيب الناس عايزين
ازاى انت تنام متدفى
وغيرك عـنده الغطا ما يكفى
وليل الشتا يا جماعة طويل

عــدى الليل والبرد معاه
بيـدور عـلى حـد يجيله
البردان كان جه ودفاه
اللى معاه وربنا مديله
أصحاب سوسو كتروا كتير
ولاد وبنات بيحبوا الخـير
خلوا الشتا بقى دافى جميل

الدنيا برد الدنيا بـرد
وعم خليل بيسقى الورد
الدنيا برد يا عم خليل
(لأ ده أنا لابس بالطو تقيــل)

التعليقات