الأكثر مشاهدة

أخر المقالات

الوكسة .. انا وانت

الكاتب : خالد حمزة


من هنا ورايح ماتكلمنيش عن الدستور. والانتخابات. والريس اللى جاى. ‬والجماعة‮ الارهابية.. والبلد ‬وفلولها وأم فلولها كمان‮. ‬كلمني عن نفسك‮.. ‬وفش غلك فيا‮.. ‬ماهو أنا وانت في الوكسة‮.. ‬إخوان‮.
‬كلمني عن أكوام الزبالة التي تراكمت كالجبال حول منزلك‮.. ‬وفي شارعك‮.. ‬وعند محطة المترو‮.. ‬والباعة الذين احتلوه بلا إحم ولا دستور‮. ‬كلمني عن كلام الناس في المترو عن العيشة واللي عايشينها‮.. ‬والسياسيين لا سامحهم الله ونجوم الفضائيات من محترفي إشعال الحرائق‮.
‬كلمني عن شوارع وسط البلد وكيف تراها‮.. ‬كلمني عن الباعة وحياتهم الصاخبة التي لاتهدأ وخناقاتهم مع شرطي المرور والبلدية و‬سواقين الميكروباص . ‬كلمني عن الرصيف الذي كان‮. ‬وعن الناس كبارا وصغارا‮.. ‬الذين يتزاحمون للعبور ولاحياة لمن تنادي .
كلمني عن عملك وقل لي‮ : ‬هل تغير الناس وتغيرت الطباع؟ كلمني عن المرءوسين والرؤساء وعن الكرسي الذي يغير صاحبه 180 درجة. ‬والصغير الذي لايحترم كبيرا‮. ‬كلمني عمن يترقون بلا أدني مناسبة‮. ‬وعن المقربين من كل عهد بلا أدني كفاءة‮.. ‬اللهم‮: ‬فلان بيكرهك ياريس‮.. ‬ومالكش ومالناش‮.. ‬إلا بعض‮!
‬فإذا عدت إلي منزلك سالما‮ ‬غانما لاتكلمني عن مأساتك في الطريق والمواصلات ورذالات البشر‮. ‬فكلنا في الهم سوا. ‬ولكن كلمني عن زوجتك واسطوانتها اليومية المشروخة عن العيال والجيران والأهل وأمك التي ماتت‮. ‬والواد اللي لسه مارجعش من الدرس‮. ‬وكيلو الطماطم والكوسة اللي في العالي‮. و و و! ‬وعاوز تاكل‮: ‬الأكل عندك في المطبخ؟‮! ‬لا‮.. ‬شكرا شبعت خلاص‮.
‬وهكذا ترد ولسان حالك مع حالي يقول‮: ‬ارحمنا يارب‮.. ‬حنلاقيها منين ولا منين‮: ‬من الجماعة اللي جوه البيت ولا اللي براه؟

التعليقات