الأكثر مشاهدة

أخر المقالات

فوارس القرن ال 21

مفتتح ..
* علي باب ِ مصر تدق الاكف ويعلو الضجيج *

الاول ..

يرمح الفارس
اللي راكب الحصان الخشب
يعبر الشبابيك المستحيله
لجل يوصل للشموس البكر
ويعيد تكوين المشهد المفروط
يترد شوفه .. انكسار
يشهر سيوف خياله .. فيرجع يشوف
ويحضن العروسه .. الورق .!

التاني ..

الموت يحاصر بيبان الخروج
فتنزل من علي الصليب
ورسمك المنقوش علي ورق الكوتشينه
يبهت ..
فيبان الشعر .. الابيض .!

التالت ..

هكذا .....................................
...........................................
..........................................
.........................................

الرابع ..

من انتهاك الريح
توبك المقطوع
والعصيان الخشب في شكلك المهزوم
لفلفوك بغيطان وسيعه .. تحرسك
كي تُصلب علي باب .............................

خاتمه ..

لاانا كنت يهوذا
ولا انت مسيح الزمن الجاي
ازاي..؟؟
لما باطفي نورالاوضه
واخدها في حضني
باقدر انام ..
كويس . !

التعليقات