الأكثر مشاهدة

أخر المقالات

الخوف

الكاتب : nashwa hussien

غالبا بتكون اكبر مشكله بتوجهنا في حياتنا هي الخوف.....
خوفنا من اننا نكون ماشين في طريق رايح بس ومش عارفين نهايته ممكن تكون لفين
او ان خوفنا بيكون من اننا نقف وسط الطريق ومنبقاش عارفين نكمل ولا اضمن نرجع
او يمكن بيكون خوفنا من المغامره في حد ذاتها
او خوفنا اننا نخسر حاجه غاليه عندنا او يمكن انك تجرب حاجه جديده ده في حد نفسه خوف وساعات كتير بنخاف من النتايج لاننا بنكون اتحدينا حاجات كتير ممكن اولها نفسنا او يمكن خوفنا من اننا نغلط فمش بنحاولش اصلا
منطقي يكون جوانا خوف بس اللي مش منطقي ابدا انه يبقي خوف غير مبرر خوف يمنعك من انك تعيش وتحاول خوف يخليك كل اما تمشي خطوه لقدام ترجع لورا خطوتين زي احساس اللي اول مره ينزل يعوم في البحر وخايف من الغرق وهو اصلا واقف علي الشط
الخوف ظاهره طبيعيه ومؤشر انك في بدايه طريقك للنجاح بس يوم ما هيزيد ويتحول لفوبيا اعرف انه بدايه السقوط
الخوف هيمنعك من انك تعيش هتخسر كل حاجه خايف انك تخسرها بخوفك
بس عارف امتي هتبطل تخاف فعلا لما تخاف اه لماتخاف بس خوف عن خوف بيفرق
لما تخاف انك تعصي ربنا فقلبك يطمن
لما تخاف تظلم حد فتنام مرتاح
لماتخاف توجع او تكون مصدر اذي لغيرك
ده الخوف الوحيد اللي بتكون فيه مطمن وبيخلي طريقك قدامك منور وبيكسر اي خوف تاني وده بقي اللي بيسموه الخوف الايجابي واللي بينسيك اي خوف سلبي ..
بقلمي/نشوي حسين

التعليقات