الأكثر مشاهدة

أخر المقالات

قصيدة باللهجة العامية.. صعب الرحيل.. بقلم الشاعرة حنان أبوزيد

الكاتب : حنان أبوزيد

قالوا: في الحب صعب الرحيل.
مهما بعدنا والقلوب أصبحت تشيل
بس قلبي لسة شايل والوجع تقيل
شايلك جواه حاجة حلوة، أيوة حلوة
من زمن الحب الجميل.
مهما كانت قسوتك وهجرك دليل
مهما بعدت، وبعد مكانك بالرحيل
هيستناك قلبي الأصيل.
هفضل أقول حبيبي
ده هواه نسيمي العليل
حتى لو صرخ بأعلى صوته
وقال.. لا.. لا للمستحيل
مهما قدر الفراق علينا
حبنا ده مالوش مثيل
=============
لما أبعد.. كنت تبكي ودموعك تملا بحور
مهما أبعد بجسمي.. لكن معاك بروحي
وحبي كظلك يطوف حواليك مرور
اوعي تنسى يوم قلبي..
احكي دايما للكل عني،
عن حناني ليك.. وهمس الشعور.
افتكر دايما لُقانا.. كنا نتكلم كتير
وتسهر النجوم معانا..
تبتسم ومن حبنا تغير..
والقمر داير بنوره حوالينا يدور
اوعي تنسي يوم قلبي،
قلبي اللي حبك من غير غرور
وكان بحبك راضي وفخور
وافتكر سعادتنا كل ليلة..
كأنها ألف ليلة .. من غير سيف مسرور
بس أوعى تنسى في يوم حكايتي
وأنا بقولك شهرياري ليلاتي في روايتي
وتناديني أميرتي شهرزادي انتي غايتي
وبأحلامك تشوفني عروسة البحور
=============
فاكر ياحبيبي ولا نسيت..
فاكر لما جيت بلهفة وعلى
باب قلبي دقيت..
وطلبت إيدي من أهلي بالبيت
فاكر أحلامك اني أكون معاك
بكل ركن من أركان البيت
فاكر حنانك وابتسامتك لو جنبك مريت
ولا حزنك ويا زعلك لو غبت عنك ولا مشيت
=============
فاكر ياحبيبي جنة حبنا في بيتنا
وقلوبنا كانت فرحتها نبض حياتنا
كنت بفتح الشبابيك.. لما تيجي حتتنا
والحب بينا يكتر.. يرتعش قلبي ويِكَبَّر
كنت بدعي ساعاتها..
الحب يفضل لطريقنا ينور..
ونكمل من تاني رحلتنا..
الناس من كتر حبنا حسدونا بقصتنا
ميعرفوش سر رباطنا ولهفتنا
مكنش حب عادي.. ده كان كل غايتنا
يتهامزوا عنا عُذالنا..
وبالقصص يحكوا روايتنا.
=============
حبك ياحبيبي مكنش له مثيل
سحر عشقك وغرامك النبيل
ساكن جوايا كلامك وهمس الليل
ولُقاك جوا حضني يشفي قلبي العليل
لسة فاكرة فرحتك، وانت داخل عشنا،
وتعلي صوتك ونداك عليا الجميل
انتي فين ياحياتي.. انتي فين يامراتي
حتى لو كنت جاي من مشوار طويل..
تجيني بفرحتك تحضن بحبك لهفتي
وانت جايبلي معاك حلويتي ولعبتي
وتقولي خدي يا بنت قلبي وطفلتي
كنت دايما معايا راجل كريم..
ولا كنت في حبك أبداً لئيم ..
وعمرك مكنت في يوم عليا بخيل
=============
يلا خدني في حضنك برقه
افرد جناحاتك يا حبيبي بدقه
وضمني جواك ألف ضمه
خليني بهواك نسمه
حبنا ده مكنش صدفه
اسكن قلبي اللي ساعك.
عمره ما في يوم باعك.
ده انت ملكته وهو لك بَسمه
عِشنا كان قصر عشق ومحبه
والأثاث فيه همس المشاعر
بنيناه بالحب.. حبه.. حبه..
كنت دايما شاري عمري وشاعر
ده انت ياحبيبي حتى شاعر
=============
وقراري أنا غلطت فيه
وفراقنا بقى مستحيل
رباطنا ياحبيبي، اتوصل
قبل ميلادنا والقدر دليل
كان صعب فيه الرحيل
واللي بينا حاجات كتير
حب نابض من سنين.
شهد عليه القمر، وجيران الليل
لما اتولد.. كان لسة جنين.
دلوقت كبر وأصبح جميل.
والرحيل ياحبيبي..
أصبح شئ مستحيل
الرحيل بقى مستحيل
#حنان_أبوزيد

التعليقات