الأكثر مشاهدة

أخر المقالات

بخيته

بخيته


** اوعاك تروح يم السجره اللي علي راس الحاره
للجنييه تاخدك تحت الارض وتتجوزك

يااااريت ياماااي
الا يامااي هي معندهاش بنات .؟؟
كل يوم اسمعك تجولي لعيل اكده ..
هي هاتتجوز مين والا مين .؟

** ياواد جلبي .. دي تاجي بميت روح
والروح تفرع منها يااجي ميت روح
وكل عرسانها عييله صغار بجلب اخضر
كما العمر في طلعته ويا السمس البيضا
والسنه اللولي اللي بتضحك جوه حنكك لما تشوف الجادوسيه *
وجبل ماتحمر السمس وترووح باذن ربها
تكون اتجوزت ياجي ميت عيل كدك يامفعوص

_ هههههههههههههه ياوليه سيبيه يلعب
فاكراه مصدج تخاريفك دي .؟؟

** ماعيزاهوش يطلع فوجيها ويجع

ياماااي .. مش الرب واحد والعمر واحد .؟؟

** يعني تضيعه جتيل وترووح مع السمس وتكسر جلبي .؟؟

_ ربنا ستار .. تعالي شوف جبتلك اربع كلاسيين
اتنين بيض واتنين بني

مانا جلت يابوي مااحبش البس كلاسين

** يامفعوص هههههههههههههههه لو مالبستش كلاسين
الجنييه هاتخطف حمامتك

ارسيلك علي بر .. هاتتجوزني والا هاتخطف حمامتي .؟؟

** هههههههه اسعال ابوك

_ جولها .. مابوي طول عمره ماعيلبسش كلاسين
لاحد اتجوزه غيرك يابخيته ولا حمامته .........

** بس ياراجل انت ماصدجت والا اييه .؟

لمعت عيناه ..
تحسسها في مخيلتهِ
بما تبقي له من ذكريات
وسافر الي حضنها
فقال ..
_ بجولك اييه .. سيبك من الكلاسيين
خد جرش ابيض اهو وروح هات فندام والعب لحد ماتشبع

** لو جابلت الجنييه في طريجك
جولها انا امي بخيته
فاكراها ياحزينه .؟؟

التعليقات