الأكثر مشاهدة

أخر المقالات

هل انت انسانة مستقلة؟

الكاتب : salma elshandaweely

هل انت انسانة مستقلة ؟

فى نوعين من الاستقلال , استقلال مادى و استقلال معنوى
انا عايزة اناقش موضوع الاستقلال المادى لأنه اكثر ما تحتاج المرأة العربية فى الوقت الحالى و فى نفس الوقت اخر اهتماماتها.

البنت غالبا بتفكر فى الجواز من شخص غنى يحققلها احلامها او الجواز عموما و الفرح و شهر العسل و الخلفة و اسم المولود لكن العمل غالبا بيكون بالنسبة لها Plan B او نقدر نقول الخطة البديلة
الاستقلال المادى اساس تحرر المرأة و ضمان لها و الاستقلال ده بصفة عامة و مش حصرى على المرأة المتزوجة
حتى فى بيت الاب الاستقلال المادى هو السبيل الوحيد للحرية و لأنك ميتقرضش عليكى اى وضع
بعيدا عن تحقيق الذات من خلال العمل و بعيدا عن النجاح و وجود هدف فى الحياه كل ده كلام جميل لكن خلينا واقعيين بدون استقلال مادى انتى مسجونة حتى لو انتى راضية بالسجن و السجان
لو امعنا النظر هنلاقى ان اغلبية النساء اللى بتتعرض لأى من اشكال العنف الاسرى هم بالدرجة الاولى غير مستقلات ماديا و ميقدروش بيعدوا عن مصدر العنف
ده غير ان الاستقلال المادى بيزرع الثقة بالنفس و القوة و القدرة على الانفصال بحياتك اذا تعرضتى للعنف او القمع او الاهانة.
الضامن الوحيد ليكى هو العمل و التعليم و النجاح
غير كده مش هتختارى اى حاجة فى حياتك بحرية
مش هتقدرى تقولى لأ
القمع من داخل بيتك اسوأ بكتير من كل الضغوط اللى بتمارس عليكى من المجتمع
علشان تختارى لنفسك يلزمك سلاح و سلاحك هو عملك

التعليقات