أخر المقالات

البحث عن ضمير

الكاتب : حسين الرشيدى

من اشهر الجرايد اللى منتشرة الايام دى جرنان الشمس .. وده لسبب هتعرفوا دلوقتى ...
- هايل يا كمال المقال محقق اعلى قراءة عالموقع بتاع الجرنان ونسب البيع محققة رقم قياسي
كمال: يارب افضل عند حسن ظن حضرتك .
رئيس التحرير : عاوزينك تشعللها اكتر بقى الانتخابات عالابواب .
كمال: طبعا طبعا يا فندم المقال الجاى هيحقق رقم قياسي تانى ....
******************************
فى مكتب حسن جلال :
-الراجل ده مش هيجيبها لبر وهيخسرنى الرئاسة.... ايه الحل ؟؟
عمرو (احد اعضاء الحملة ) : ممكن نسكته بقرشين ؟؟
سامح : احنا نغريه بالفلوس ونشغله معانا عشان شعبيته هتدينا شعبية اكتر ...
حسن : ده حل رائع هاتوا نمرته حالا
**************************
يرن تليفون كمال : الو سلام عليكم
حسن : وعليكم السلام يا بطل الصحافة ... انا حسن جلال مرشح الرئاسة
كمال (باستهزاء ) : اه اهلا بحضرتك
حسن : عاوزك فى مكتبى نشرب قهوة مع بعض ؟؟
كمال : ماشي تمام بس البن عندكوا حلو ؟؟
حسن بضحكة مقطعة : اه ياسيدى حلو تعالى بكرا 11 الضهر
*************************
فى المكتب :
حسن : اهلا بيك فى مكتبى المتواضع
كمال : اه شكله متواضع جدا ده ناقص تفرشه دهب
حسن : ماعلينا المهم انتا عارف طبعا انى زى ماكل التوقعات بتقول انا اكتر المرشحين بالفوز بالرئاسة ..
كمال : اه طبعا حضرتك على عينا وعلى راسنا بس فى مرشحين مش سهلين بردو مع حضرتك ..
حسن (فى سره ) : يعنى انا جايبك عشان اشغلك عندى تقوم حادف الدبش ده
حسن : ماهوا ده الموضوع اللى انا عاوزك فيه انتا عندك قبول كبير جدا عند الشارع المصري بمقالاتك الصريحة عشان كده عاوزك تشرفنى وتبقى المتحدث الاعلامى لحملتى وهدفعلك اللى انتا عاوزه
*********************
فى الجرنان على مكتب كمال وعمر صاحبه جنبه :
كمال : حسن جلال عاوزنى معاه فى الحملة
عمر (بدهشة ) : حسن مين ؟؟؟ !!!! ... انتا جرالك حاجة فى دماغك حسن جلال ده متقدم فيه بلاغات للنائب العام بعدد شعر راسك وكلها قضايا فساد مالى .
كمال : بس يابنى هكسب من وراه قرشين حلوين اقدر اتجوز بيهم امانى اللى رابطها معاي 3 سنين دى ..
عمر : انا قولتلك رأيي واعمل اللى تعمله ...

كمال : الو اكلم الباشا
السكرتيرة : ايوة يا فندم مع حضرتك اهو
كمال: الو يا باشا
حسن : الو يا استاذ كمال فكرت كويس
كمال : اه فكرت ... اقدر استلم مهمتى امتى ؟؟
****************
فى مؤتمر صحفى
حسن :طبعا يا جماعة مفيش حملة انتخابية بتقوم من غير متحدث اعلامى عشان كده انا قررت انى اختار دونا عن الكل الصحفى الجميل الاستاذ كمال ابو السعود
فى اندهاش غريب من كل الحاضرين حتى المصورين اندهشوا
كمال : طبعا انا الشرف ليا فى العمل مع راجل عظيم زى استاذ حسن وهوا رجل مشهود له بالكفاءة من زمان .... (يهمس فى ودن حسن ويقولوا فين فلوسي )
ساعتها خرج حسن من جيبه شيك ب 200 الف جنيه ...
******************************** فى مكتب الجرنان ::
عمرو : ايه اللى انتا هببته امبارح ده
كمال : عملت ايه يا عم
عمرو : عفاريت النت جابولك فيديو وانتا بتقول لحسن جلال فين فلوسي
كمال : انتا بتقول ايه ؟؟
يرن التليفون على مكتب كمال من رئيس التحرير عشان يروحلوا مكتبو
************************
رئيس التحرير : بص يا كمال بصراحة الاتهامات من امبارح لحد اللحظة دى مسكتتش عمالة وخيانة وتآمر ... كل ده بسبب الفيديو بتاعك اكيد شوفته
كمال : والعمل ايه حضرتك ؟؟
رئيس التحرير: معناه انه طول مانتا معانا هتفضل نسب البيع فى نقص
كمال : انا فهمت حضرتك خلاص استأذن انا
**********************
كمال : الو ... ايوه يا امانى
امانى : ايوه يا كمال هيا كلمة واحدة .. سيبنى فى حالى

مر الوقت وتزيد الفلوس مع كمال ...
عند حسن جلال :
كمال : الباشا موجود ؟؟
السكرتيرة : اه موجود بس معاه ناس
كمال : طب انا هخش
******************
الوقت : قبل الصمت الانتخابى بساعة
المكان : برنامج الصراحة
المذيع : اعزائي المشاهدين معانا دلوقتى الاستاذ كمال المتحدث الاعلامى لحملة حسن جلال .. اهلا بحضرتك واتفضل قولنا ايه اللى كنت عاوز توريهولنا
كمال : انا معايا دلوقتى فيديو احب اوريهولكو
احداث الفيديو :
حوار بين حسن و3 رجال ملتحين
حسن : انا عاوزكوا جاهزين لاى احتمال هيحصل لو انا كسبت هتوقفوا الشغل اللى فى سينا فترة ... لو حصل عكس كده عاوز الشغل يزيد عالمنشآت الحيوية .. وطبعا فلوسكوا محفوظة
****************************
كمال : اديكوا شوفتوا الحقيقة ... وبكرة انا عاوز اللى شوفتوه ده يترجم لتصويت لاى حد غير الراجل ده ... ورجاء للجيش والداخلية بتشديد حراسة اى منشآت حيوية

ملخص القصة : الضمير موجود فى انسان بس بيجى وقت ويقل شغله لكن عمره مايموت

التعليقات