الأكثر مشاهدة

أخر المقالات

كفرت بالحب.... بقلم حنان أبوزيد

الكاتب : حنان أبوزيد

أنا كفرت بالحب...
هذه تلك العبارة التي قالتها إحدى المجروحات من الحب، عندما قابلتني وقالتلي أستاذة أنا موجوعة أوي ..فقد كفرت بالحب...
ومن هنا عايزة أقولها وأقول لأصحاب المشاعر والحب رسالة مهمة أوي✍
هي أنكم لازم تعرفوا السبب الذي يجعل أي علاقة بين طرفين محبين تنتهي بعد حب كبير بينهم.
* أولا .. بيكون السبب في هدم تلك العلاقة هو الطرف المستغل.. أو الإنتهازي .. 
إحذروا من تلك الصفات، وهو اللي بيستغل مشاعر اللي معاه وحبه له، لأنه بيعرف كويس ان الطرف ده ميقدرش يبعد عنه... ولا يستغنى عنه ، وده سبب هيخلي الطرف التاني هيحس في يوم من الأيام بكدة ... ومش هيقدر يتحمل تاني وهتنتهي العلاقة بينهم على أهون سبب ...  
* أما السبب الثاني .... هو الطرف المستهتر بمشاعر الطرف الأخر ودايما بيكون سبب كبير في جرحه أو حزنه ... 
ومش مهتم بمدى تأثير جرحه ومع ذلك الطرف المجروح بيتحمل أفعاله واستهتاره بمشاعره اللي مش قادر يقبلها...والمقابل هو انه بيجرحه أكتر ويشوف الحزن في عينه ولا يهتز ..
عشان كدة هيجي يوم ويدور فيه على اللي يقدروه ويهتموا لحزنه ..
* والسبب التالت ....هو الطرف والشخص الأناني .. 
أيوة كل اللي بيفكر فيه نفسه وبس ... عمره ما بيشوف الطرف الأخر بأي حال من الأحوال .. وكل اللي يهمه هو تنفيذ رغباته وأحلامه وأمنياته هو بس .. وفي المقابل بيستخسر فيه حتى الكلمة الحلوة  او جبر الخاطر، 
فهو بكدة بيضغط عليك وتبدأ تهرب منه ..
وخلي بالك ...
أوعى تبدأ بمنطق الثقة المطلقة في مقدار الحب للشخص اللي بتحبه... وكل شئ حولنا متغير ...
ده ربك اللي قالك كدة في القرأن .. إقرأ كدة ...
(( كل يوم هو في شأن )) .. عشان كدة .. 
خلوا بالكم ... واوعى تضغط على اللي معاك وتاخد كل شئ حلو جواه كأنك تمتص دمائه بعدين ترميه، وتستنفذ طاقته ... استنفاذ الطاقة هيخليه في يوم يمل وينفر منك وهيلعن ابو الحب اللي بهدله معاك ... 
طيب وحصل اللي حصل وحبيتي بكل ذرة في كيانك وقدمتي وضحيتي .. وفي الأخر هو باعك أو مقدرتيش تكملي وخلصت طاقة التحمل بتاعتك ...
ايه ... هتفضلي حزينة وتلعني ابو الحب على اللي بيحب ... لاء...
اوعي تكفري بالحب لان الحب مالوش ذنب..
الذنب في سوء اختيارتنا و المستغلين باسم الحب...
و اوعي تزعلي على حد باعك وقرر يسيبك ومقدرش حبك ... هقولك افرحي ..ايوة افرحي ... ليه بقى .. لانك دُقتي الحب وصدقتي احساسك فقدرتيه ... العيب مش فيكي العيب في ناس المشاعر عندها ما تساويش... ومتزعليش انك حاولتي تحافظي عليه وفشلتي .. لاء.. ده انتِ لازم تفرحي ..انك بتعرفي تعطي في زمن كل حاجة فيه بحساب..
أوعي تزعلي وقت ما كنتي مكسورة وبتترجيه ... لاء ده انتِ لازم  تفرحي أكتر وأكتر .. انك انسانة شفافة ... رفضتي تشوفي نفسك كبيرة عليه ... 
اوعي تزعلي وقت ما كان مسؤل منك وهو زهق منك ومن مسؤليتك وخيب كل ظنونك ...لاء افرحي ... لانك اعتبرتيه إبنك وحتة منك .. ومتكسفتيش تجري عليه ... اوعي تزعلي انك استسلمتي لعيوبه ... فعد عليكي عيوبك وعايرك ...وقلل منك ... طب شفتي بقى ان روحك حلوة ... 
ومفيش أحن ولا أطيب منك ... عشان كدة لازم تفرحي .. افرحي على كل شئ حلو فيكي .. افرحي انك بتتجاهلي كل عيوبه ومشفتيش غير الحلو واكتفيتي بيه ...
اوعي تزعلي انك رضيتي بظروفه، فنسي وعده ليكي وخذلك وجحد حبك ... افرحي انك طلعتي أصيلة ..
أوعي تزعلي انه داس على ذكرياتك وجميل أوقاتك... وافتكر دلوقت انك مش مناسبة .. عشان يلتفت لحياته ويلتفت للي شافها أفضل منك بعد ما قالك ان عينيه عمرها مهتشوف أفضل منك وانك مالية عينه وكل كيانه...  
ولازم تفرحي انك رغم ضعفك حاولتي تتمسكي بيه ... افرحي لانك عرفتي حقيقته بدري بدري انه كذاب .. وزي مكذب عليكي وخدعك هيكدب على غيرك اللي فضلها عنك وهيخدعها برضه.... افرحي لانه هو اللي مش مناسب ليكي.... وافتكري دايما انك لما كنتي بتحتاجيه مكنتيش بتلاقيه... مكنش سندك ولا ضهرك زي مكنتي واهمة .... وانه كان عايزك مجرد مسخ... ملكيش رأي ولا شخصية عايز يهدك ويهدمك ... عشان لما يغلط متقدريش تواجيه بغلطه يعني عايز يعمل منك خرساء وجسد بلا روح.... 
افرحي انك طلعتي بوش واحد مش منافقة لمشاعرك ... افرحي ان ربنا أنقذك من المقنع الذي يختبئ ورا أكتر من قناع....
افرحي لأنك انتِ حبيتي وصدقتي واديتي في زمن الكل عايز ياخد وبس .. 
وهو نسيكي .. وانتِ بكيتي وهلكتي دموعك واترجتيه ...راح هو حلف ما يرجع ليكي... يبقى اعذريه ... لانك دوقتيه الحلو كله ... لحد ما قوتيه وأول ما قوي ... قوي عليكي انتِ ...
وسيبيه بقى للزمن ...وهيجي في يوم يدور على زمانك مش هيلاقيه ...
فانتِ بقى اوعي تستسلمي لفكرة الندم .. لاء ارمي ورا ضهرك .. انتِ قوية وياما مرت عليكي مواقف أصعب ...اقفي يلا من تاني ... 
ودوسي على أي حاجة وكل حاجة ممكن توجع قلبك ... واعرفي حاجة مهمة ... وهي .. 
ان من لا يراكي نوراً في عينيه
اوعي تشوفيه تراباً تحت رجليكي...
وقولي دايماً ... 
سأبقى أنا وسيبقى رأسي عاليا في السماء
ليس تكبراً وليس استعلاء
وانما ثقة بالنفس وكبرياء
وخلي الضربة اللي توجع قلبك تقوي عقلك... 
وخلي ضحكتك ترجع تنور وشك تاني .. 
كفياكي دموع بقى ... محدش يستاهل دموعك الغالية دي ....خلي الدمعة متنزلش من عينك غير على حد قدرك وصان العشرة والعهود ... لو عايزة تكوني سعيدة متقوفيش كتير عند الذكريات والحزن ... واعتبريه مات مع اللي ماتوا وراحت روحنا معاهم، 
الناس اللي كانت لو نزلت دمعة من دموعنا ما كانوش يناموا ... محدش بيموت على فراق حد والحمد لله على نعمة النسيان .. 
ومن هنا ورايح ..دموعك هتكون دموع فرحة ..
متزعليش ومتندميش ... اللي زيك يتندم على فراقها ... اللي زيك يتندم على فراقها ....انتِ فرصة بتيجي في العمر مرة واحدة ومبتتعوضيش خلي الفرحة فيكي لانك فرصة بتيجي في العمرة مرة واحدة ومبتتعوضيش ... اضحكي واسمعي ربك وحبيبك بيقولك ايه عشان ترتاحي وبيطمنك ... (وما كان ربك ناسيا) .. افرحي ربك مش ناسيكي متخافيش والله هانت ... بس انتِ متستسلميش هانت .. واللي زيك يتندم على فراقها ... لانك انتِ غالية وفرصة بتيجي بالعمر مرة واحدة ومتتعوضيش 
افرحي واضحكي ، وربك قالك (أنه على رجعهِ لقادر) شايفة ربك بيقولك ايه قادر يرجعهولك بس لو هو خير ليكي ... فافرحي واطمني ... ومتزعليش....
وعايزة أقولك أيتها الموجوعة .... اوعي تكفري بالحب.... الحب بريء من ذلك الذنب .... الذنب في الأطراف المستغلة باسم الحب... 
وحتما وأبدا أن ربنا هيعوضك عوضاً جميلاً... ويفرح قلبك فرحاً جميلاً .... ولكن صبراً جميلاً... فلا تحزني .. وخلي ثقتك في حبيبك ربك الرحمن الرحيم... اللي مش ممكن يخذلك مهما أي حد خذلك واللي حتما سيبدل وجعك لفرح وراحة وطمأنينة.... لان ربنا ورسوله الكريم صل الله عليه وسلم أوصوا الكل عليكي .... 
رفقاً بالقوارير....
رفقاً بالقوارير
#حنان_أبو_زيد

التعليقات