الأكثر مشاهدة

أخر المقالات

اسمي نحنود للاطفال في مرحلة الحضانه

الكاتب : كريم بهاء

دايما باكتب حكاياتي .. عن حاجات كتير فاتت في حياتي .. باتعلم منها و افتكرها من وقتها و لغاية الوقت الآتي ..
" اسمي نحنود "
أشعر أني كبير .. ليه بقي كل الناس بدلعني ..
في صغري كل الناس بتنادي عليا و تقولي يا مودي ... يا مودي ..
و في أول يوم في الحضانة لقيت المدرسة بتنادي عليا باسم تاني .. و لما رجعت البيت أي حد يقول لي يا مودي .. أقف و أقول له بكل ثقة ..
اسمي مش مودي ... أنا اسمي نحنود ..
و كانوا بيضحكوا .. مش عارف ليه بيضحكوا و أفضل أقول .. نحنود اسمي نحنود ..
في اليوم التالي في المدرسة عرفت ليه بيضحكوا لأن اسمي طلع محمود مش نحنود .. لكني دايماً كنت أنسي و أنطقه غلط و يضحكوا و بعدين أتعلمت أكتب اسمي " محمود " .. عرفت أن في فرق بين الميم و النون .. بس كنت برضو بأنسي ..
فجيت في البيت و على حيط أوضتي كتبت بالقلم الرصاص اسمي ... محمـــود .. و كل ما حد يسألني على اسمي أو يقول لي يا مودي أجري بسرعة للحيط و على اسمي أبص و أفتكر أنه ... محمود ..
بس الرصاص مش بيفضل ع الحيط و مع الأيام أتمسح و من جديد بقلم جاف المرة دي .. على الحيط كتبت اسمي .. محمود
بس الأيام عدت كتير و بابا أتفق مع عمال كتير يبقوا في البيت ..
و في البيت العمال بيغيروا ألوان الحيط ... لون الحيط الجديد بقي أبيض و من غير اسمي ما يكون عليه ... و رجع اسمي تاه .. و محمود رجع بقي نحنود ..
و مش كل مرة أكتب اسمي يتمسح من ع الحيط و مش كل مرة أنساه ..
في أوضتي لوحدي ... قعدت مع نفسي .. و قلت ..
ميم .. ميم ... ميم ..
و أخيراً لما حد يجي يزورنا و يقولي يا مودي ..
أقول أنا مش مودي ..
أنا اسمي .. " و افتكر ميم .. ميم .. ميم "
و أقول : اسمي محمود ...
وقتها الناس كلها تقولي برافو و صحاب ماما يدوني شوكلاتة عشان قلت اسمي صح .. اسمي محمود .

التعليقات