الأكثر مشاهدة

أخر المقالات

صافى يالبن .. ناز يا قشطة

الكاتب : خالد حمزة


ايوه .. لا صوت..... يعلو الان فى مصر على الاقل. على صوت صافيناز. وان كنت مش مصدق ادعوك للنزول. لاى شارع فى مصر. وقت ظهور السنيورة الشحرورة. فى اى قناة تليفزيونية ومش مهم حتقول ايه. بلغتها العربية المكسرة. لغاية ما تفرج. ومش مهم. حتتكلم فى فاضى. ولا مليان. المهم..انها تظهر والسلام. لتطل على عباد الله. من المصريين: الغلابة. الكفرانين. اللى.. بيعافروا.. ليل ونهار. فى البيت. والشارع. والغيط! وظهور صافى فى حد ذاته. اصبح حدثا وعيدا. ينتظره رجالة مصر. ليتحسروا على البلاوى.. اللى معاهم فى بيوتهم. واللى مسودة عيشتهم. ليل ويا نهار. وتنتظره الستات الشاطرة. عشان تحاول.. مجرد محاولة. ان تقمن بنص. بلاش نص يا عم. بربع. ولا.. ده كمان.. ب10 فى المية.. من اللى عاملاه. صافى بنت ناز. فى الرجالة. وفى الشعب كله. ولسه برده. مش مصدقنى.طيب شوف تعليقات الرجالة عن السنيورة. ودلع السنيورة الاصلى.. منه فيه. وشوف: نظرات الحقد على السنيورة. وام السنيورة. واليوم اللى هبطت فيه السنيورة ارض مصر. ولسه برده بتعافر. وتقولى: ايه الهيافة دى؟ اقولك: افرض انك النهاردة. قلت ان السنيورة. حترشح نفسها للرياسة.. اى والله للرياسة.. شوف المعجبين اللى حيترصوا لها. ووالنبى تقبلى يا ست. ده احنا غلابة! حتقولى: ما ينفعش يا فالح. دى خواجاية. بنت خواجاية. حاقولك: وايه يعنى نعدل المادة. هو مش الشعب. هو القائد.ولازم نرضخ لطلباته. ولا.. هو كلام انشا. والسلام؟ حتقولى: وازاى حتحصل على 25 الف صوت. لازماها للترشيح.؟ حاقولك: دى اسهل حاجة. وفى غمضة عين. حنلملها مليون صوت.. دى السنيورة يا معلم! حتقولى: وفلوس الدعاية للانتخابات؟ حاقولك: انت كده بقى عبيط. وهى السنيورة محتاجة دعاية. حتقولى: طيب والبرنامج الانتخابى؟ حاقولك: ده موضة قديمة. وكفاية شعار: الشعب يريد صافى بنت ناز!! حتتكلم. وتتفلحص.. عن مشاكل مصر. اللى ما لها اول من اخر. وحاقولك: ان كنت ما تعرفش. ان السنيورة بنت صافى ناز.. تاتى قبل الخبز احيانا! وعشان ما تطولش معايا فى النقطة دى بالذات. حاقولك: ان مجرد نزول السنيورة. حيحل ازمة المرور. ويا الوقود مع بعض. لان الناس حتقعد. بالساعات. ادام الشاشات.. فى انتظار.. طلة السنيورة. حتقولى ..عن فرصتها فى الفوز؟ حاقولك: بعون الله اكتساح. واجماع. دى الوحيدة اللى. حتخفى اشارة رابعة. لان اخوانا اياهم. بيحبوا القشطة. واللبن الحليب. والزبادى.. وده كله. متوفر. وبزيادة.. فى السنيورة؟! حتقولى: عن علاقتنا مع العالم حاقولك.. الدب الروسى من دلوقتى. فى جيبنا. مش بنتهم. قبل ماتكون بنتنا. ولا ايه؟ ثم ان صافى نفسها. لو ارادت. حتبقى.. مصدر دخل للبلد. وكل هزة.. بكده دولارات. وكده استرلينى. وكمان دراهم. وريالات. ويوروهات

وحتقولى وتعيدلى.. حاقولك: السنيورة .شعار المرحلة. ولو ارادت مصر. حتصبح اد.. الدنيا. وكل الدنيا.. وعلى واحدة بس.. ومن غير نص!

التعليقات