الأكثر مشاهدة

أخر المقالات

نص لدول .. ونص لدول .. ويوم واحد لينا ؟؟!!

الكاتب : خالد حمزة

لان شر البلية. لما نحن فيه. ما يضحك. فانا عندى اقتراح. مش ولا بد. عشان نهدى اللعب شوية بين الاخوان. والناس اللى مش اخوان. ونيجى على نفسنا. احنا ياللى. لا لينا فى تور. ولا طحين واقتراحى : ان الاخوان.. يحكموا البلد. تلت تيام فى الاسبوع. واخوانا.. اللى مش اخوان يحكموه تلاتة زيهم. وبعدين.. ناخد احنا اللى مش. من دول. ولادول. راحة ليوم واحد. واجرنا على الله؟ وليكو علينا. نسيب لكم البلد. خضرة. ومخضرة.. فى الست يام بتوعكم. بس وحيات ابوكم بلاش عنف من النحيتين. يعنى.. بلاش المظاهرات اياها. والاخوة بتوع الشرعية. ولا.. عمى مرسى اللى ما يحكمشى. وبلاش برده.. العنف الكتير. وبالقوى.. اللى ساعات. بيطلع على جتت ناس كتير. ما لهاش ذنب.. من الشرطة. وليكم علينا برده. اننا ما نعيشى فى الاسبوع .الا يومنا وبس بس وحيات ابوكم. خلونا على راحتنا. وراحة راحتنا. خلونا ندير امورنا. بعيد عن دول ودول وخلونا.. نعيش السنين. اللى باقية لينا. على مزاجنا. وكيف كيفنا. ووحياة ابوكم بلاش. تتضحكوا عليناو.تحاولوا تانى. تشودنا لده ولا..ده وتبيعوا لينا. المية فى حارة السقايين. اوتعبوا لينا الهوا فى ازايز. على طريقة مشاريع زى: النهضة. والفنكوش. ولا.. وعود. وعهود فشنك. وال ايه مصر حتبقى.. اد وكل الدنيا.. بامارة ايه يا عمنا : شلة السوء. ولا لامؤاخذة. صباع الكفتة اياه ؟ خدوا الست ايام. وسيبونا نعيش اليوم. اللى باقى . خدوا البلد. مطرح ماتروحوا.. ياللى انتوا اخوان. ولا مش اخوان. وسيبوا لنا مصر. اللى طول عمرها. صابرة على البلا منكم. ومن اشباهكم. خدوا الست ايام. وسيبولنا مصر. بتاعة زمان. من غير مولوتوف. ولا قنابل دخان. خدوا اللى تاخدوه وسيبولنا.. فيلم ابيض واسود. من بتوع اسماعيل يس. ولا الخواجة استيفان؟ خدوا اللى تخدوه وسيبولنا. وسط البلد.. وجروبى اللى كان ! مش مصدقين كلامى. هاتوا كام مليون مصرى اصيل مش. من دول. ولا دول. واعرضوا عليه الفكرة. وساعتها.. حتلاقوا من التسعين مليون. تسعين مليون واحد.. الا فكة صغيرة. راضين. قانعين. بيوم واحد. من كل الاسبوع. بس يكون من غير اخوان. واللى مش اخوان ؟

التعليقات