الأكثر مشاهدة

أخر المقالات

الام المثالية..حلوة بس شقية...

الكاتب : سالي مصطفي

طبعا فيفي عبده ام مثالية و ستين مثالية في بعض و الي يقول غير كدا هخزق عينيه...سابت لبناتها ملاييين تحل مشاكلهم و انا اكاد انتحر من الفقر و الازمات المتلاحقه و معييش فلوس اسيب البلد و اهاجر منها..و انا بقي تبرعا مني و عشقا و هياما في فيفي عبده احسن ام في مصر و يعني يا ريت كان عندي حد في عيلتي بالغني المادي دا هههههههههههههه هكتب فيها قصدة حب شاعرية..

الام المثالية...حلوة بس شقيه

عل الفرازه متنقية و بالدولارات جيوبها محشية

لا مخلية بنتها محتاجة صباع روج

ولا بتقول ماما انا نفسي في عربية

صيتها واصل مش بس بولاق و فيصل لا دا وصل الولايات الامريكية

اتكرمت في نادي الطيران و ناقص بس كمان المحافل الدولية

كل ام لازم تهنن بنتها و تحشي حيوبها الالافات..و الا ما تبقاش ام مثالية

فيفي كفت ووفت و تعبت و شقيت

و لرسالة الام الاصلية دايما كانت وفية

هي صحيح وسطها سايب و صحيح اوقات عصبية و اوقات مجنونة و شقية

بس وقت الجد تلاقيها ام صامدة و ما تقلش في الصمود عن الام الصعيدية

يا عيني يا ليلي...شقيت و تعبت و طفحت الكوته

بس مع امهاتنا ما حصلش نصيب يا عيني

و معاها هي ضربت البلية..

فيفي فيفي حني علينا شوية دا انتي حساباتك في البنوك مملية

و انا يا عيني مش لاقيه قوت يومي ولا لاقية العيش في النملية

العملية معايا ضاقت خالص و بقت عملية في النملية

انقذيني اي ام حنون يا من نلتي عن جدارة و استحقاق لقب الام المثالية...


يا جماعه ان شاء الله ربنا هيكرم سما المصري اخر كرم باللقب كمان تلاتين سنة...صحييييييييييحححححححححح حظها هي و بناتها حظ عوالم ههههههههههه...

التعليقات