الأكثر مشاهدة

أخر المقالات

ونبي لتفتكروني بالخير

ونبي لتفتكروني بالخير ..

و تِبقوا تجيبوا سيرتي ..

حتي و لو كل فين و فين ..

و متنسوش ليا وَقفتي معاكوا ..

حتي و لو كانت من سنين ..

قولوا كل حاجه و متنسوش ..

قولوا ده كان جدع أوقات ..

و بيندّل ساعات و ساعات ..

بس والله إبن الإيه كانت ..

أيامه لا تتنسي و لا من بعده تتعاش ..

قولوا ده كان رغّاي ..

و بيحب القهوه الزياده ..

و النسكافيه بالبندق كمان ..

قولوا ده كان بيكره النكد ..

و يخاف م الوحده و الفراق ..

قولوا كل حاجه و متنسوش ..

قولوا كان بيحب الأكل زي عينيه ..

مع إن عُمره ما بان عليه ..

قولوا ده كان عصبي و قماص ..

بس بيرجع يصفي مع كلمه أسف ..

و شويه محايله و إعتذار ..

قولوا كل حاجه و متنسوش ..

أد إيه كان بيحب عيلته و بالذات أبوه ..

أد إيه قلبه شاب و عجّز ..

من بعد فراق أبوه ..

قولوا بس إوعوا تبكوا و تزعلوا ..

و إفتكروني بالفاتحه و الدعاء بالخير ..

ونبي لتفتكروني بالخير .. #just_سطور

التعليقات