الأكثر مشاهدة

أخر المقالات

مصر و الهنود الحمر


من و احنا صغيرين و احنا بنشوف ان الهنود الحمر دول بشر غير البشر .. بنشوفهم بدائيين .. متخلفين .. طيبين .. على طول قالعين ملط .. و على وسطهم شوية ورق شجر و ريشة على راسهم ..

و من هنا .. نمسك اول خيط ..

أصل كلمة: .. أصل على راسه ريشة !!

لو فكرنا مين اللي على راسه اصلا ريشة .. هما الهنود الحمر .. و الكلمة دي بنقولها لما بيكون حد مكسل يعمل حاجة .. او اي شخص مدلع .. فهي جملة تدل على وصف الشخص بالتكاسل ,,,, لو عملت بحث في ويكيبيديا عن الهنود الحمر .. هتلاقي مكتوبلك .. ان الهنود الحمر من اعرق الشعوب .. و كانوا اصحاب حضارة عريقة و هم اول من اخنرعوا و استخدموا الارقام و الاشارات و حضارتهم دي كانت قبل ميلاد المسيح ب 3700 سنة !! ,, طيب ما هم طلعوا حلوين اهو .. اومال حصلهم ايه .. لما هتكمل قراءة على ويكيبيديا .. هتلاقي برضه ان هما اول من زرعوا التبغ .. و ان بسبب انتشار الامراض بسبب التدخين و بسبب كسلهم و انتشار الجهل .. انتهت حضارتهم و سبقتهم كل الأمم حتى صاروا في نظرنا .. متخلفين و بدائيين .. متهيألي احنا زيهم .. بدليل كان عندنا اعظم حضارة في الدنيا .. و دلوقتي و بسبب الكسل و الجهل .. بقينا من دول العالم الثالث .. دولة نامية .. و يمكن ييجي اليوم اللي ممكن يتقال علينا بدائيين .. من الهنود الحمر نفسهم .. بالنسبة للهنود (السمر) العاديين فاحنا بقينا متخلفين عنهم بكتير .. و كنا زمان بنتريق عليهم و بنقول عليهم نكت .. دلوقتي هما اللي بيقولو علينا نكت .. بس احنا مش على راسنا ريشة .. ولا في نص دماغنا دايرة حمرا .. و في انتظار ما سيثمر عنه المستقبل القريب .. ان شاء الله يكون خير لمصر و نرجع امجادنا ..

العادات و التقاليد :

الافراح :

النساء في مصر بيعبروا عن الفرحة بزغروطة .. لو ركزنا شوية في الزغروطة دي .. مش هتلاقي تفسير .. غير اننا من الهنود الحمر .. لانهم كانوا بيحتفلوا زينا .. زغاريط و اصوات عجيبة من دي و غيرها من مظاهر الفرح مثل الرقص الشعبي ..الرقص بالخيل .. الخ .

التدخين:

هما اول من زرعوا التبغ .. و كان التدخين من اسباب انهيار حضارتهم .. الناس دي كانت دماغها عالية !! بس كانوا بيدخنوا في حاجة اسمها الغليون .. زي الجوزة كده بس محمولة .. بالنسبة لينا طبعا .. كلنا عارفين .. احنا التدخين عندنا مواهب .. لدرجة ان العيال في ابتدائي بقوا بيشربوا سجاير و في بعض الاحيان بانجو .. الخلاصة .. هما اول من زرعوا التبغ و احنا اول من دخناه

نظرية سفح الجبل :

و دي من النظريات اللي اثبتت ان الفراعنة و الهنود الحمر كانوا نسايب .. و كان بينهم اندماج رهيب .. حيث نظرية سفح الجبل تنص .. يمكنك اعتبار اي ارتفاع جبلي او اي حائط عالي بمثابة دورة مياه لقضاء حاجتك .. هما كانوا بيعملوها في الجبال .. و احنا بنعملها تحت الكباري و في الاهرامات .. نظرا لعدم توافر الجبال ..

الاصالة :

هما ناس طيبين و معروفين بالكرم .. و الذكاء .. زينا كده ..

الخلاصة : انا نفسي ما نبقاش زيهم .. نفسي نبني الحضارة من جديد زي ما كنا دايما بنبنيها ..

التعليقات