الأكثر مشاهدة

أخر المقالات

أسباب الانفصال والخلافات الزوجيه المستمرة

الكاتب : صهيب سليمان

يا ترى ممكن حد محترم وكويس جدا مع خطيبته أو مراته ينفصله بعد قصه حب كبيره بينهم ممكن تحصل ؟ آه طبعا ممكن وبقيت منتشره كتير اليومين دوول كمان الله طب أيه السبب هو مش أنت وهى صليتوا صلاه استخاره وربناسهلها والموضوغ مشي .....ايه اللي حصل وأيه الحكمه في كده ؟ في الاول في نقطه كلنا لازم نكون متفقين عليها ان الموضوع ده بيكون نصيب وقدر ومتكوب ومحدش يقدر يعترض عليه زى ما ربنا قال
( قَدْ جَعَلَ اللَّهُ لِكُلِّ شَيْءٍ قَدْرًا ) لكن الموضوع مبيكنش نصيب وقدر وبس لازم الأنسان يدور على السبب و الحكمه في اللي حصلوه ده وميترددش وهيلاقيها لأن ربنا قال كمان
(يُؤْتِي الْحِكْمَةَ مَنْ يَشَاءُ ۚ وَمَنْ يُؤْتَ الْحِكْمَةَ فَقَدْ أُوتِيَ خَيْرًا كَثِيرًا ۗ وَمَا يَذَّكَّرُ إِلَّا أُولُو الْأَلْبَابِ) وخليك واثق في ربنا لانه عادل جدا و مخلقناش علشان يعذبنا واكيد ده خير طبعا (فما اصابك من حسنة فمن الله وما اصابك من سيئة فمن نفسك) .
*واسباب الانفصال هي كالاتي :
الاختيار الخاطيء من البدايه والتجمل الذائد في اول العلاقه وعدم التركيز على معرفه ودراسه الشخصية .
عدم الالتزام بحدود وضوابط الخطوبه (فمن أستعجل شيئ بأونه عوقب بحرمانه) .
عدم التفاهم فقرر كل واحد فيكم أنه ينفصل عن التانى .
وعدم التفكير في المصير بعد الجواز .
انعدام الاخلاق فعند أول خلاف ظهر كل واحد على حقيقته.
عدم ادراك ومعرفه الاختلاف السيكولوجي ( طريقه التفكير ) وده من أكتر الاسباب اللي بيحصل عن طريقها كل الخلافات الزوجيه بين الطرفين وبيكون نتيجتها الانفصال وهو ده الموضوع الاساسي اللي هنتكلم فيه في المقاله انهارده لانه جزء مهم جدا جدا .
*سيكولوجيه الرجل والمرأه :_ في الاول كده طلالما قررت انك ترتبط بالجنس الآخر لازم تعرف أنك أنت وهو هتكونوا مختلفين تماما عن بعض في كل شيء ( في المشاعر , في حل المشاكل ,في نبره الصوت والانفعالات ,في تحمل المسؤليه , في تعبير كل واحد فيكم عن الحب ,وفي احتياجتكم كمان لتبادل الحب , في طريقه التفكير .......... فكل حاجه مختلفين ) وده كان واضح في التعبير القرآني في آل عمران (قالت ربي اني وضعتها انثى والله اعلم بما وضعت وليس الذكر كالانثى ) .والعلم أثبت ده كمان أن مفيش ولاخليه في جسم الست تشبه اى خليه في جسم الراجل والجسم بيتكون من( 60تريليون ) خليه . وحكمت ربنا أنه خلاهم مختلفين علشان يكملوا بعض يستمتعوا مع بعض ويفكروا ويشاركوا ويفيدو بعض .
#المرأه : شبكيه المخ عندها كل نقطه فيه متصلة ببعضها علشان كده تقدر تعمل اكثر من حاجه في وقت واحد فممكن تربي الاولاد وتشتغل وتقوم بتطلبات البيت كلها وترد على تليفونات وتعمل اكتر من كده كمان هي ربنا خلقها كده.
#الراجل كل حاجه في مخه عباره عن صناديق فهناك صندوق للبيت صندوق للعربيه صندوق للشغل صندوق للصحاب صندوق للقهوه ..... وهكذا ولو عاوز يروح لاي حاجه من دول يفتح الصندوق الخاص بيها ويبدء يركز فيه وميشفش اي حاجه غيره ولما يخلصه يقتح الصندوق التانى ويركز فيه ...... وهكذا . ( وعدم فهم السيكولوجيه دي بتبتدي المشاكل والخلافات)
اولا الخلافات البسيطه : الراجل كتير بيرفض أنها تشتغل لان هوه شايف من وجهت نظره هو ان الست ملهاش غير البيت والاولاد وبس وانها لو اشتغلت مش هتعرف تخلي بلها منهم وميعرفش انها ممكن تعمل مليون حاجه مع بعض من غير ماحد يساعدها ان الراجل ممكن يعمل زيها بس لازم يكون مدرب على كده لكن هي لاءه .
الست , اول ما يدخل جوزها من البيت تقوله اللحق الكهرباء الفواتير عيالك عملو كذا وكذا التلاجه مش عارف مالها,ساعات كمان الست بتتصل بيه في الشغل وتحكيله كل المشاكل الصغيره دي . يا حجه براحه الراجل صندوقي لسه خارج من صندوق الشغل متوقع انه هيرجع البيت هيلاقي مرآته مستنياه مروقه البيت محضره الاكل مهيئه ليه جو هادي جو يفتح النفس حرام عليكي والله . لكن أما تكوت الست فهمه السيكولوجيه دي والله الراجل من نفسه هو اللي هيبدأ بالكلام معاها يسألها ايه اللي حصل انهارده معاها عندها مشاكل ولا لاء لانها بالحاجات الجميله اللي عملتها دي هتبدء تفتحله مجال انه يدخل في صندوق البيت وبسرعه كمان ويركز فيه ويكون عنده الفرصه انه يحل كل مشاكلها ويكون فاضي ورايق انه يتكلم معاها عن اى حاجه هي عاوزه تحكيها وتقولها ليه .
ثانيا : _ المشاكل والخلافات الكبيره :_ ودي الاهم لان هنا بذات بيبان كل واحد على حقيقته وبيبان درجه أخلاقه ورقيه في التعامل لان نتائج الخلاف ده ممكن توصل لشتيمه جرح مشاعر للمرأه بذات ضرب أهانه ...... وانتو عارفين الباقى
*انا بس عاوز اقول حاجه للست وللراجل :_
# الست اما يحصل خلاف بينك وبين جوزك ياريت مدخليش حد بينكم وبذات أهلك مع أنهم أقرب حد ليكي بس ممكن دخولهم في المشكله يكبر الدنيا أكثر وميحلوش اى حاجه حاولي أنتى وهو تحلوها بينكم احسن وبلاش بقى الحاجات اللى بنشوفها على النت دي تتدخلي تكتبي على الفيس مشكلك مع جوزك وتقعدي تتدعي عليه وحسبي الله ونعم الوكيل فيك ولا اكنه كان جوزك أو خطيبك اللي حبتيه أو عرفتيه قبل كده وكانت بينكم ذكريات وأيام حلوه كتير ولا انتى عاوزه يطبق فيكي الحديث ده عن الرسول صلى الله عليه وسلم قال
[ رأيت النار فلم أرى كاليوم منظرا قط أفظع منه،ورأيت أكثر أهلها النساء، قالوا: لم يا رسول الله؟ قال: لكفرهن، قيل: أيكفرن بالله؟ قال: يكثرن اللعن ويكفرن العشير، ويكفرن الإحسان، لو أحسنت إلى إحداهن الدهر كله، ثم رأت منك شيئا، قالت: ما رأيت منك خيرا قط ) ] .
#أما انت أيها الرجل الست أما بيكون عندها مشكله مبتبقاش محتاجه حد يحلها ولا يديها نصائح وحكم ومواعظ الست بتبقى محتاجه حد يسمعها يسمعها وبس . وهو ده دور الراجل اللي المفروض يعمله أنه يسمعها ويسمعها للآخر ويكون بعيد خالص عن أنه يجرح شعورها او أنه يهينها أو يضربها حتى لو كان في فأسلوبها نوع من الشكوى منك أو اللوم عليك لان هي دي طريقه المرأه في الترفيه عن خاطرها وبعد ما تسمعها هي هترتاح وهتكون سعيده وهتحصلها حآله من الهدوء والسلام النفسي الداخلي لانك أديتها فرصه انها تعبر ليك عن اللي جواها وهتحس ساعتها بأهتمامك وأنك شاركتها نفس الشعور وقدرت تفهمها وهتاخذ ثقه في نفسها أكتر وهتبداء تفتح قلبها وتستقبل منك بعد كده أي نصيحه أنت عاوز تقولها ليها .
وهنروح بعيد ليه سيدنا عمر بن الخطاب رضي الله عنه ( العملاق الشديد الغليظ )كان بيعمل كده فعلا وكلنا عارفين القصه الشهيره بتاعته لما راح صحابي يشتكيله من زوجته لانه اختلف معاها وكان صوتها عالي عليه فقال جئت أشكو اليك من زوجتي فوجدت عندك نفس ما أعاني منه فتبسم له عمر وقال ( يا هذا إنهن زوجاتنا؛ إن كرهنا منهن سلوكا قبلنا غيره، إنهن يربين أولادنا، ويقمن على شأننا فلماذا لا نصبر عليهم ) .
* أما بالنسبه للحب :_
الحب وجوده مهم جدا في العلاقه الزوجيه لكن مش هو اللي يتبني عليه بيت ويلا نتجوز علشان أحنا بنحب بعض وخلاص ياما ناس حبيت طوول فتره الخطوبه وقالو أحلى كلام وبعد أول سنه من الجواز قامت بينهم حرايق ومشاكل دمرتهم نفسيا وأطلقو في الآخر ,أنما الاخلاق والمعامله هما دوول اللي يتبني عليهم أساس العلاقه الزوجيه السعيده, الاخلاق والمعامله هي غذاء الحب وعدم وجودهما معا عند أول خلاف بين الطرفين الحب بينهم هيتحول لسكاكين بيقطعوا بيها بعض بأسم الحب كل واحد فيهم هيدور على اكتر حاجه بضايق حبيبه ويذله بيها بأسم الحب وكما قالها العملاق عمر بن الخطاب رضي الله عنه
(أن أقل البيوت الذي يبنى على الحب، ولكن الناس يتعاشرون بالإسلام والأحساب) .رضي الله عنك وأرضاك ياعمر .
* وفي الختام
انتظرونا في الحزء الرابع والختام اللي هنتكلم فيه عن احتياجات الرجل والمرأه للوصول لاعلى قمه في السعاده الزوجيه وعن معنى الرجوله الحقيقيه.

والسلام عليكم ورحمه الله وبركاته .

#صهيب_سليمان

التعليقات