الأكثر مشاهدة

أخر المقالات

سؤال محرج..انتا كدا نصرت دينك؟

الكاتب : سالي مصطفي

كتير اوي لما بخش صفحات علي النت و مش هدعي ان كلها نكت او ترفيه فبعضها جاد جدا و منها صفحات نقاش في الاديان او ملحدين و محدش يقولي بتخشيها ليه و الهبل دا..كلنا بنقري و كلنا بنطلع علي الدنيا الي حوالينا بدل ما نقفل عقلنا و نخلله..ما علينا..فلن ابرر سلوكياتي او تصرفاتي كي ترضي عني زمرة من البشر...لاحظت ظاهرة عجيبة جدااااااااا في نوعين من الصفحات:صفحات تخص المسيحيين و دينهم و شئونه و روحياته و صفحات تخص الملحدين او النقاش العلماني حول الدين و لاحظت ما يلي من المسلمين بشكل عام و من غير هم برضه بس اغلبهم مسلمين يعني...ان ملحد بيناقش فكرة او بيسخر من عقيدة ..قوم ايه يرد المسلم ازاااااااااي...يا ابن الكلب يا ابن التيت يا ابن الشمال يا ابن%$%%$% يا $$%$&&)*& يا &^&&^& بتشتم الاسلام يا جحش يا كافر يا غبي ...يا ابن ال*&*^ بتشتم رسول الله؟ طب يا ابن^&^&^&الهي اشوفك في النار بتتحرق يا&*& و حسبي الله و نعمي الوكيل فيك ثم بعد هذة الوصلة المتينة من السباب الجنسي القذر يكتب اية من القرأن او يكتب حسبي الله و نعمي الوكيل !!!!!!!طب منين و منين يا اصحاب العقول و العجول ؟ دا اسلوب دا؟ و هل تختلط الشتيمة بايات من القرأن يعني بحيث يتحطوا جمب بعض؟ انتا شايف ان دا عادي و صح مثلا يعني؟ و بعدين يعني انتا فاكر يا المعي يا صاحب المخ النور ان الملحد او العلماني او التايواني مثلا هيعيط تحت السرير من الشتيمة و هيخاف و يجري يمسح الصفحة و يغير دينه و يتوب يعني؟ انتا كدا نصرت دينك و رسولك و امتك الاسلامية و اسلامك و قرأنك و كدا يعني؟ لا اظن بل انت تجعل كل هذا عرضة للسباب المضاد فهل سوف تتقبله حين اذن يا سبع البرمبة؟ و اش بقي لو ان الملحد دا ست بقي ...يا سلام...ملووووووووووووووووووخية...هنهيص في الهيصة و نزيط في الزيطة و اكن الالحاد للرجالة بس و الستات عيب يبقي انحلال(مش بناقش هنا صح او غلط دينيا بناقش الموضوع اخلاقيا)... و يبتدي يقول بقي عايز اتعرف عليكي يا *)*&* عايز انام معاكي يا)**&*&*^ انتي عندك كام سنة يا^&^& و شغل الحكاكين الاصلي يبتدي يظهر بقي in the mix and on the spot وااااااااااااااااو....دا انتا الي بتعمله دا اصلا فحشاااااااااااااااااااااء و ساء سبيلا! كدا انتا استفدت ايه يعني؟ نصرت دينك يا عنتر زمانك ولا المزة الملحدة جات علي بالك و قولت يالا اهي سهلة جسديا بقي لانها ملحدة ههههههههه و بكدا يا صديقي بتكون وقعت في الزنا القولي و قد يكون الفعلي كمان الي عقوبته في الشريعة انتا عارفها بقي يا وحش السيما ! و تبقي وقعت في كل الحرام و انت مش داري شتيمة و قذف و دعوات للزنا و انت تدري او لا تدري فكلهما سيان انتا ضحية للجهل في الحالتين والله....نيجي للحالة التانية بقي...مواقع المسيحيين...اولا يعني مال دين امك بيهم؟ سيبهم لعباداتهم و ايمانهم الخاص فلا شأن لك به و انت لن تهدي كل الناس و لن يكون كل من في الارض مسلما باعتراف القرأن في مواضع عديدة جداااااااااا دا اولا عشان نبقي متفقين بس يعني...ثانيا انتا بتخش و تقول بقي كلام مقزز اوي يا صاحبي بجد...شنودة بتاعكم اتهري في جنهم..تواضروس شقي اوي الصراحة...يسوع بتاعكم مات امتي؟ انتو بتعملوا ايه في الكنيسة ! و قد يصل الكلام للتطاول علي مريم العذراء كمان للاسف و دا بيحصل يعني بجد و محدش يقولي مش بيحصل...و بس كدا و الباقي انتوا عارفينه...و لما واحد مسيحي يرد يستهزء بتكون انتا السبب اولا و ثانيا بتزعل اوي و دمك بيغلي لما بيتدي يستهزق و يشتم في دينك الي انتا عرضته للهزو و اللعب و التطاول من اولها...و تقعد بتشتم شيخ الازهر يا كلب انا ليبرالي و انا حر اقول ما اريد بس الا رسول الله برضه! ...يا اخي انتا دخلت تطاولت علي ما يعبده و يقدسه نفر كبير من الناس ..تتوقع حد يحترم دينك بعد ذلك؟ ما اظنش...هوا قليل الادب و مش متربي و انتا كذلك لانك ابتديت...فيه ناس عقلاء في كل طايفة اه بس عددهم بيكش الصراحة و الاحترام بيزول سنة بعد سنة...اما مواقع الشيعة بقي دي كوكب تانيييييييييي...خيال علمي فهمي نظمي....طائفتان من المسلمين تقتتلان و كل يظن ان الحق في صفه و الطائفة الاخري مارقة و كافرة و الاتنين علي دين واحد...العالم الي برا الي مش مسلمين يقولوا ايه بقي...بس عموما لكي اكون صريحة جدا المسلمين و المسيحيين في سوريا و لبنان و الجزائر مؤدبين مع بعض اوي و الملحدين مع بعضهم كمان سبحان الله و لكن خناقات الشيعة و السنه في الدول العربية موجودة برضه رغم التعايش السالف الذكر مع الطوائف الاخري...برضه بيقعدوا شيعة و سنة شتايم بتخليني اجيب الي بطني و محدش يقولي انتي بنت احنا بنقري غصب عن اهلنا الكلام المقرف دا حتي علي جدران شوارعنا ..امشي بغماية سودا يعني؟ دا الواقع المؤلم...ما نفتقده الان هو الاحترام ثم الاحترام ثم الاحترام...قال ثورة و ربيع عربي قال هعهعههع...انما الامم الخلاق ما بقيت...انا مش ملاك يعني و لساني طاهر و بينقط عسل الاربعة و عشرين ساعة لا بشتم برضه...بس مش بخش صفحات النت اسلي وقتي بالامراض النفسيه و الشتيمة...لو حد عايز يتناقش المفروض يكون متعلم و اهلا للنقاش و عالم بدينه ..مش يجي عيل من تحت بير السلم بيشرب لي سيجارة حشيش و يقعد يشتم الاخرين و فاكر ان دا نصرة لدينه...بل هو هكذا يعرضه للسب و الاهانة...اه والله زي ما بتكلم كدا! جديدة دي؟ اه علي فكره في العشرينات من القرن الماضي كان المصريين طوائف متعددة قبل ان يأتي ناصر في الستينات و يمنع كل دا...كان هناك الشيعة و بيعملوا موكب معين اسمه زفة العجم في شوارع مصر و كان هناك ملحدين حاورهم مصطفي محمود ببراعة و علم او بلاش علم كما ينفيه عنه البعض هوا جاهل يا سيدي...بس بيناقش بأدب و نقاء و صفاء عقلي و قد كان حق الرد لهم مكفولا بكتاب اسمه لماذا انا ملحد لكاتب اعذروني ان نسيت اسمه...اسمه اسماعيل حاجة علي فكرة ...و كان هناك بهائيين و ماسونيين علنا و منظمة علنية للاخوان المسلمين كذلك و كان هناك الوهابيين (الاسم بتاع السلفيين زمان الي كانوا مشهورين بيه) و كان هناك الصوفية منتشرين و مهيمنين علي الشارع و الوعي المصري حين اذن و كان فيه اجانب كاثوليك و انجيليين و روم ارثوذوكس و ملحدين كمان!!!!!!!!! و يهود بقي ما اقولكوش قد ايه و معابد يهود مفتوحة علنا للعبادة و احتفالات يهودية علنية و اعلانات عن اكلهم الحلال في الصحف..و كل زوربيح الاديان دا كان عايش مع بعضه عادي اوي و كانت الناس متربية اوي اوي اوي بجد و بتتناقش بادب اه والله و كان فيه تبشير معرفش ان كان علني ولا سري ! انا مش بتكلم هنا في نقطه صح و غلط اطلاقا...انا بتكلم عن التعايش السلمي و الادب و الاحترام و الرقي و البعد عن الشتايم الجنسية بالاب و الام الي بتحمل الشخص ذنب علي فكرة..كل الناس دي كانت عايشة ازاي مع بعضها دون اقتتال؟؟؟الاخواني و الصوفي و المسيحي الغربي و الشرقي و البهائي؟؟؟من غير شتائم قذرة بنقراها غصب عننا كبنات وولاد و عائلات؟ مش فاهمه ايه موضة الكلام دا! و للاسف اتسرب لكل لسان ة محدش يقولي ما اتسربش للاطفال حتي! ليه الناس زمان كانت محترمة و الان لا؟ حد عنده تفسير...و النبي الحل السحري لكل دا بسيط اوي و صعب جدا في ذات الوقت..سهل ممتنع...الا و هو الادب و عدم الحك..البنات احيانا بتقرف من النت مش كفاية الشارع...النت كمان! و بالنسبة لمواقع الملحدين ..ما ينفعش يعني نقاش بالعقل مش بشتيمة امي و امك زي برا؟ و ما ينفعش يعني نعتق دين ام مواقع المسيحيين احتراما للاسلام و المسيحية يعني؟ انما نقول ايه...كل واحد معقد او مريض يجي يطلع قرفه علي الي قدامه و الي قدامه يطلع قرفه عليه كمان ههههههه crossfire تبادل لاطلاق النار...و كلهم في النار أصديقي ...ههههههههه...نفسي في الة زمن تاخدني لاي وقت قبل سنة 52 عشان ارتااااااااح وسط ناس راقية محترمة مؤدبة...اه علي فكره بقي ..المصري لما بيهاجر برا بيشوف بوذيين و هندوس و يهود للصبح وملحدين شاتمين للاسلام ليل نهار ولالالالالالالالالالالالالالالالالالالالالا يقدر يفتح بوقه....ههههههههه ليه؟ لاسباب...لانه عايش في بلاد الكفر بيكسب من مالهم الحرام دا اولا و تلاقيه بيشتغل في بار ولا ....احم احم... و ساكت و راضي او بلاش دي ممكن يكون صاحب شغله يهودي او ملحد او استاذه في جامعته الاجنبية ملحد او يهودي(دي شوفتها و حصلت معايا) و ثانيا لانه القانون هناك مش بيفرق و حازم علي الكل و بياخد حق الكل و اولهم المسلم...و ثالثا عقول الناس راقية و بتتناقش بالعقل او مش بيضيعوا وقتهم في النقاش اصلا و كل حي في حاله بيشوف اكل عيشه و بيعمل حاجه تنفع وقته و عيشته...انا شخصيا مش بناقش علي النت بتاتا و مش بسمح لحد يناقشني في الدين او حياتي الشخصية...وقتي مخصص لي انا و لما يفيدني او عندما اريد التعبير اهرتل شوية في المدونة هنا...و لا حياة لمن تنادي..مات الكلام.الخلاصة ..مش هتنصر الدين بالسب المقزز او التريقة علي الاخرين بل ستزيدهم اصرار و عنادا عما هما عليه لانك بهذا عكست اخلاق سيئه لامتك...بس كدا

عايزة اهاجر الصييييييييييين كله محترم هناك جدا علي فكرة و عايش مع بعضه في جو هادئ و راقي و صحي و ان حدثت تجاوزات من الحكومه الصينية نفسها!

التعليقات